Studj liguri

Front matter

Sommario. — § 1. Le carte latine: A. Spoglio; B. Documento latino-genovese dell’a. 1156; con annotazioni lessicali. — . 2. Il dialetto nei primi secoli: A. Testi; B. Spoglio fonetico e morfologico; C. Lessico. — § 3. Il dialetto di Genova dal sec. XVI ai nostri giorni: A. Fonetica; B. Morfologia; C. Lessico. — § 4. Gli altri dialetti liguri.

Indice

Testi

Indice

, inviato dal Comune di Genova a Cipro. Circa il MCCCXX.

, per un’alleanza contro i Veneziani. 3 luglio MCCCLII.

all’ammiraglio di Turchia. 20 novembre MCCCLVIII

e all’Ufficio di Provigione del Comune di Genova, per ottenere fondi occorrenti a scopi diversi. 12 Aprile MCCCCIIII.

N. 1. — Istruzioni politiche a Segurano [Salvago?], inviato dal Comune di Genova a Cipro.

N. 1. — Istruzioni politiche a Segurano [Salvago?], inviato dal Comune di Genova a Cipro. [Dall’originale, nell’Archivio di Stato genovese; Materie politiche, Mazzo VIII.]

A uoi, Seguran, cometamo per aregordo e a memoria redugamo, si como se dira de sota, primo:

Quando voi serej in Famagosta, presenterej la letera a li mercanti, la quar Noi u’auemo dajta. In apreso informajue de l’intencion de lo rej, e se li nostri mercanjnti an reguardo de si. Ancor se a la nostra questiun ello n’e fauoreuer o no, e segondo che uoj trouerej in la uoluntae e in lo senbia[n]te de li mercanti, lantor ve porrej conseiar in lo descaregar de la mercantia et in la uostra segurtae. Chesto digamo inperzo che noi no sauemo como li seruixi de la stan. In atto che uoi v’acorzesi che dubio fosse, a uoj e a li mercanti, che ben no ue parese star seguri, lantor porresi cerchar la uostra segurtae e de lo nostro auer, segondo che a uoi e a li altri parra.

E per auentura porreua esser che lo rej aspejterea archunna anbaxa secreta, o parese in questo pasagio per tractar d’aconzo; e se e llo fesse sentir inter l[i] mercanti o per alcum de li nostri, poresi dir che uoj crej che li grandi seruixi che noi auemo a far de questa guerra no e stao prouisto a tae cosse, segondo che uoi crej.

In casso che perigo parese de descaregar le garee per sospezon — intendaj la quar sospezon paresse dubiossa, e che per questo dubio no ue parese segur lo star — , lantor si poresi presentarue deuanti lo rej con la letera de [c]reenza che noi v’auemo dajta, e seando dauanti da lo rej, saluarlo per parte nostra, s[i] como se dexe, e in apreso dir cosi como e diro de sota:

"Segnor Rej, noi mercanti somo vegnuj in la uostra terra con gran segurtae a far mercantia e[n] lanna, [per] la uostra terra e per nostro ben; per che sea

uostra marce de darne sigurtae de star e de andar, si como noj somo usaj, e in pero che alcun[e] re sospezon son inter noj per alcune crie o comandi, fajti per la uostra majstae, che se alcunna naciun fara dapno etc.

“Per che lo duxe de Zenoa e lo so conseio ue manda a dir per mi, como ello intende de uiuer con bonna paxe e pacificamenti con tuti li principi de lo mondo, e che per la gracia de De la citae de Zenoa e lo destreto e in gran iustixia e paxe; per che da chi auanti non e da dubiar che per li soi destrituaj sea fajto offesa, saluo a li soj innimixi.

“E in perzo per alcunne discordie chi sun stae inter la soa coronna e li Zenoexi — chi no deuerea esser staita, chi considerasse l’antigo tempo de li soi strapasaj e ancor de li nostri, de lo grande amor e de la grande affetiun; e da l’unna parte a l’atra no ghe deuerea esse altro che bonn amor — , porreua esser che per lo mar stao, lo quar gran tempo fa la citae de Zenoa a sostegnuo, inter lor gra[n]de guere e grandi dalmagi — e donde non e unitae no po eser iustixia — , che questa ne serea parte de caxon, e ancor li faci citajn, chi per la lor specialitae aueran portao ree parolle e somenao zinzanie, sor per esser in gratia, si como trajtor de so Comun e ancor de li uostri borghesi semeieue menti.

Perche, Segnor, quando piaxese a la uostra Corronna d’auer fim in bonna paxe, houore[u]er per l’unna parte e per l’atra, si come se deuerea raxoneuer menti far, lo nostro Duxe e desposto a uiuer pacificamenti e amorossa menti con tuti quelli de questo mondo e special menti con la uostra Coronna. Per che, quando ve piaxesse da mandar la uostra ambaxa in corte de Roma, lo quar e logo comun e honereuer per voj e per lo nostro Comun, ello ne serea monto contento; e de zo ne prega che gi debiai mandar la uostra uoluntae, azo che tanto ben se possa compir, a honor de De e de crestianitae.”

N. 2. — Proposizioni fatte dal Comune di Genova al re d’Ungheria, per un’alleanza contro i Veneziani.

N. 2. — Proposizioni fatte dal Comune di Genova al re d’Ungheria, per un’alleanza contro i Veneziani.

[Dall’originale, nell’Archivio di Stato genovese; Materie politiche, Mazzo VIII.]

Sumus contenti de far liga cum lo segnor Rey, ala offension de lo Veneciam, secondo l’orden parlao cum maistro Freyrigo, in questo modo:

Primera menti che noi se troueremo a nostro poey inter lo gorfo, lo pu tosto che noy porremo, a ogni offenssion de le terre, le quae tennen li Venecian, seando lo dito segnor Rey per terra, cum le soe gente, per uia ordenaa, quando l’ordem sera dayto inter noy e lo dito Segnor Rey, abiando in le terre de lo dito Rey, chi sum a la marinna, aparegiao refrescamento per le nostre garee, azo che per defecto de victualia le nostre galee no perdesem lo tempo, o che la via e la speysa, chi sera monto grande, no fosse stayta inderno.

Item che per lo Segnor Rey secreta menti sea dayto in tractao a lo nostro sindico presente lo modo e la condicion de quele terre, chi seam pu afabel a deueir conquistar, e unde lo galee poessem meio auer reducto e refrescamento, per pu segurtae de le dicte galee; e ancor quae sum quele terre, donde elo a pu amixi, eciamde quar sum quelle le quae pu lengeramenti se porream inuagir. E questo digamo per pusor raxon. La primera si e che quando de vegnua se inuagisse un logo, li altri se inuagissem poa pu lengeramenti. L’atra raxon si e, che possando tosto inuagir un logo e speciarmenti cum galee, se eli s’apayran de proueir, monto e poa grande afano in star in proa cum galee, como manifesta menti se sa, sea per li temporai, sea per le grande speyse che menna galee, e per altre raxon asay, chi se porrean dir. Per che à meste che queste cose se fazan cum grandissimo ordem e secreto, e che la caualaria fose asi tosto alo opoxito, como le galee se demostrasem, o forsa auauti se mostrase la caualaria, mostrando de dar atento a un logo, per ferir sagazamenti a un altro.

Semo contenti che ogni terra che tenen li Venecian sea de lo Rey, romagnando noy franchi e liberi in lo so tegney. La roba e li prexon conquista per le galee, sea de le galee. La roba conquista cum l’oste de terra e cum le galee inseme, sea per meitae.

Se per auentura fazando questa ligha elo requerise tempo, questo lasemo a uoy. Semo contenti alo pu longo per agni doi, e per questo tempo semo contenti de no far paxe, fim a doi agnj, senza soa voluntae; e questo poi prometer seguramenti, e da li auanti no, et versa vice.

Semeieyuer menti abia per inimixi li Catalan et sequaces ipsorum.

Item ne sea in memoria de aregordar a lo segnor Rey, de defender che li mercanti toeschi no zeyssen a Venexia. In questo inprincipio ne serea grandissimo fauor.

N. 3. — Lettera del Capitano e Luogotenente Del Verme all’ammiraglio di Turchia.

[Dall’originale, nell’Archivio di Stato genovese, cod. 5 San Giorgio, intitolato: ‘Regulae Comperarum Capituli’, f. 304 b. ]

A l’aoto e magnifico et possente Segnor honoreyue frae nostro e de lo honorao Comun de Zenoa messer Orcham, grande armiraio de la Turchia, lo quar lo Segnor Dee lo mantegna in grande honor et possanza, sicomo voi dexirai. Noi si receuemo le vostre lettere, faite in Nichia, a di vinti doi de lo meise passao de Setembre, per le quae letere noi vimo et cognoscemo la vostra sanitae e lo bon stao; de la quar cossa noi auemo grande alegreza, sicomo de nostro frai e chi e stao payre de li nostri de Peyra, e speremo che cossi serei da chi auanti e si pregemo lo Segnor Dee, chi a faito lo ce e la terra, che ello ve guarde e ue defenda. E etiamde vimo lo bom amor e piaxer de la nostra paxe; de che noi ve referamo gratia e si semo apareiai a tuto lo vostro piaxer e honor, lo quar e nostro proprio. Ancor si inteisemo in quella vostra letera de lo seruixo de Filipo Demerode e Bonefatio da Sori, seruioi e amixi vostri; e pero, ancor che sea contra honor e bem de lo nostro Comun e dano grande zo che elli voren, noi si como quelli chi semo a tuti li vostri piaxer et seruixi apareiai, si mandemo comandando a li nostri de Peyra ch’i fazam la dicta francheza a quelli Filipo et Bonifatio, como voi comandai, si che la dicta francheza sera faita per lo vostro amor e per lo vostro honor. Noi ve pregemo che uoi ne mandei de le vostre letere e de lo vostro bom stao e si ve recomandemo li nostri de Peyra, chi sum vostri figi e seruioi e veraxi. Lo Segnor De si ue guarde aora e sempre. Per parte de noi Luchim de lo Vermo capitan e logo tenente in la citae de Zenoa per li grandi e magnifichi Segnoi de Miram, de Zenoa e de tuta la Lombardia, e lo Conseio de li doze Antiam de la dicta Citae de Zenoa. Data in Zenoa M° CCC° LVJ° die xxj Marcii.

N. 4. — Proposizione fatta al Consiglio degli Anziani e all’Ufficio di Provigione del Comune di Genova, per ottenere fondi occorrenti a scopi diversi.

[Dall’originale, nell’Archivio di Stato genovese, Registro 6 dei ‘Diversorum Cancellariae’, f. 88b e 89a]*

Como voy sauey, Segnoy, el e fermao accordio cum li Veneciaym, ratifficao et approao per este Comun. Per caxom de lo quar acordio se de far alcunne cosse ali Veneciaym, per le quae fa mester auey certe quantitae de dynay.

E auuo meuro examem in este cosse, per lo officio de la prouixiom, lo quar a pu per mam e pu mastegay questi seruixi, apar che de neccessitae se couegna pagar le quantitae che voy odirei, e per le caxoim che e dyro, per obseruaciom de lo dito accordio.

Primeramenti li dynay promisi l’ano passao d’acordio a meser Zacharia Triuixam, lo qua fo ambaxao per li Veneciaim in esta cytae. f° CCC.

Anchora lo dano de la naue preyza in Euiza, lo quar f° se auisa che sea. [f. 89a] Anchora lo dano de la naue e de la gareaça preise per le nostre garee, e menae a Zenoa cum la arma(r); lo qua dano se auisa che sea f° d.

Anchora lo dano faito a Monsegnor lo Gouernaor per li Veneciaim per lor reeza e maruaxitae; lo quar Monsegnor no vor ni gi par coueneyuer, che li diti Veneciaim se debiam poey iactar ni vantar, che abiando lor faito dano e maruaxitae a Monsegnor e ello abia auuo in soe maym e in soa vertue de lo auey e de li beim de li Veneciaim, ello no se ne sea pagao e satisfaito. Ben che ello no abia may vossuo ni voia remerteghe; si uor, como e debito e coueneyue, che lo dito dano a ello sea a lo mem im parte satisfaito. E bem che lo dito dano de lo dito Monsegnor se possa raxoneiuer menti extimar in pu de fyrim, nientemem lo dito Monsegnor, considerando teneramenti che questo tar dano de insyr de borssa a li citaim, no uor meter quello dano no ma im f. .

Anchora lo souradito officio de la prouixiom si bezogna per li soday, o sea per la gente chi som oltra zouo e a Noue, e per satisfar a altri lor debiti e per cosse a lo bostuto neccessarie — f .

Le quae quantitae, como voy vey, montam a soma de circha f. . Ma perzo che esti dynay couennem tuti manuatim, e perzo che sempre in prestey e im atri nostri moy de trouar monea, e rey debitoy e uoxe rancee, si par a Monsegnor e a lo Consegio e a lo officio de la prouixiom predito che se besogne trouar moo de auey per la caxoim souradite — f. .

E perzo piaxa a voy, Segnoy congregay coçi a conseio, conseiar e auisar unde e per che moo se debia recouerar e auey questa monea presta menti, per zo che fim che a questi pagamenti no sea dayto compimento, li nostri prexoim, chi som in Venexia, no pom auey liberaciom ni esser rellaxai, ni se porreyua obseruar le cosse promise.

L’atra caxom per la quar o sei requesti a conseio, si e che, como voy sauey, ell’e monte fiay scheyto e anchora po schaze, che per chosse tochatiue a la Segnoria e alo stao de nostro Segnor lo Rey, e a lo bem e a la saluaciom de questo Comum, se e couegnuo e forssa couerra spender secreta menti alcunne quantitae de dynay. Le quae per la secreteza fam bom fructo, zo che serea de grande dano parezarle, e per esto moo si se e obuiao per lo tempo passao a monti dani e inconuenienti de questa cytae, e cossi se e visto per ihayra proa. Per che par bem e cossa neccessaria, che tuta fia che Monsegnor lo Gouernao e lo Consegio cognosceram o veyram esser uter o neccessario per bem de la Segnoria o de lo stao de nostro Segnor lo Rey, o saluamento e bem de questa cytae, che se spenda secreta menti alcunna quantitae de dynay e che elli lo deliberem. In quelli caxi lo dito Monsegnor cum lo conseio o cum quella parte de lo dito consegio che a Monsegnor parra, o etiamde ello tanto possam e abiam bayria de far quella tar speysa secreta menti, de la monea de lo Comum, in le cosse predite; pur che per ello e per lo Consegio sea faita la deliberaciom, e de la quantitae.

Su le quae cosse lo dito Monsegnor ne vor sauey le intencioim e le voluntae de voi citaym, aora coçi requesti.

E perzo piaxaue su esta segonda posta assi consegiar e dirne li uostri parey.

N. 5. — La Passione.

Ho estratto questa Passione da un manoscritto della Biblioteca civica di Genova, che porta la segnatura 1. 2. 7 ed il titolo: Cronaca di . È un bel codicetto in foglio, cartaceo, legato modernamente in pergamena, scritto quasi per intero da una medesima mano e a due colonne, con iniziali rosse e turchine. I fogli sono 66, di cui 4 bianchi; il recto del primo è circondato d’un fregio, ed ivi comincia, con una grande iniziale, la Cronaca del Varagine, in latino, dalla quale il cod. s’intitola. In fine di essa, al f. 39c, lExplicit, in rosso, ci conserva con tutta esattezza la data della trascrizione: Explicit cronicha communis Ianue, quam compilauit venerabilis pater dominus frater Iacobus de Varagine de ordine fratrum predicatorum, Januensis archiepiscopus, anno domini millesimo ducentesimo nonagesimo quinto. Scriptam manu mei Ieronimo de Bruno Ebredunensis dyocesis, anno domini millesimo CCCLIIJ, de mense februario. In carceribus Venetorum, incarceratus cum Ianuensibus, pro nimio dolore repletus. Questa data vale a un dipresso anche per la Passione, che segue subito dopo, dal f. 40a al f. 47b, scritta dal medesimo e adorna ancor essa, nel recto del primo foglio, d’un fregio e d’una grande iniziale.

Terminano il codice la leggenda di Tundalo in latino, f. 48a-55c; l'‘Epistola beati Bernardi’ al cavalier Raimondo di castello Ambrogio f. 56-57r già pubblicata dal prof. , Giorn. ligust., X 351 sgg.; infine alcuni frammenti di non molta importanza.

Per la trascrizione, nulla ho da aggiungere, tranne che ho sempre reso con m la nasal finale delle abbreviazioni, eccetto in e non. Interrompo la stampa verso la fine del f. 43c.

[f. 40a] Pensando in mi mestesso che he som ordenao e misso in lo campo de Criste, quamuisdee indegno, couienme houerar e lauorar lauor chi sea acceptao dauanti da Dhee. E vegando in questo campo e in questo mondo monte pyamte non far fructo per deffecto de humor e de aygue, he si me som metuho a prender de quella celestial fontanna viua della scriptura saynta, segundo la mea possibilitae, e menarla per conduyto a quelle iaue chi som lonzi da quelle aygue, a zo che quando sera vegnuho lo tempo delle messoym, non me diga lo Segnor de questo campo che lo so fruyto sea perio per pigreza in le mee maym e me togla la bayria de questo lauor e me zicthe for de la soa terra, e a desonor me conuegna mendigar. Lo fruyto lo qual requere Criste delle sohe piamte che ello a pyamtao, zoe delle nostre anime che ello a creae, e si e amor e caritae a Dhe e allo proximo. E questo testimonia lo sauio Salamom, chi parla a noy in persona de Criste e disse: Filij, da michi cor tuum. Conuen doncha a queste piante adur aygua che le faza acender in l’amor de Dhee e render fructo de caritae. Trey cosse me parem inter le aotre che specialmenti ne aduem in l’amor de Dhee. La primera si e apensar lo bem che ello n’a fayto, la se- gunda si e lo bem che ello n’a promisso, la terza si e lo mal dello qual ello n’a liberay e schampay. Quamuisde che lo nostro Segnor n’abia faito monti grandi bem, che quasi som senza nomero, solamenti um ben n’a fayto, e anco e si excellente che nissum non po astimar, zoe ch’ello n’a rehemuy e rechatay dello so sangue, per la soha passiom. E inperzo voglo questo bem conyntar auançi.

Segundo che noy lezamo, in lo sabao de ramo d’oliua lo nostro segnor messer Ihesu Cristo si era a una menssa a un disnar im la casxa de Synom lo leuroso. E sapiando la Magdalena queste cosse, si corse inconte[b]nente cum una bussula d’inguento monto sprecioso e monto olente e si lo spansse su in la testa de Criste. A quello meysmo disnar si mangiauam li discipuli, inter li quay si era Iuda Scharioto, lo qual era procuraor e receueyua tuto zo che era dayto a Criste e alli discipoli. E questo Iuda si era layro e traytor e de tute le cosse che gue eram dayte si inuolaua la dexena parte. Quando questo vi la Magdalena chi spansse quello precioso inguento su la testa de Criste, ello aue monto grande dolor, e inperzo cum grande indignatiom si incomenza a mormorar e disse: “Questo e monto grande perdiciom, que questa femena a fayto. E no era monto meglo vender questo inguento, chi varea bem. ccc. dynay, e dar li alli poueri, ca spander lo?” E zo non dixea ello miga per compassiom, ch’ello auesse delli poueri, ma perzo ch’ello ne uorea inuorar la dexena parte, cossi come ello faxea de le aotre cosse. E Criste respoxe alla soa mormoratiom e voze se alli soy discipoli, chy tuti paream consentir in le parolle de Iuda, e disse: “ Segnoy, per che se voy cossi molesti a questa femena, chi m’a spanynto questo inguento adosso? Ella si l’a fayto in memoria della mea sepultura. E my si ve digo una cossa: voy si auere sempre con voy li poueri, ma voy non auerey sempre my.” E lantor fo [che] un delli soy apostoly, odando queste parolle, si pensa incontenente la iniquitae dello traymento e ymmagina como ello poesse auer li. xxx. dinay, che ello aueyua perduo dello prexo de l’inguento, chi valea. ccc. dinay. Ello incomenza a pensar soura questa iniquitae e aregorda se che li Zue si aueam rea voluntae incontra Criste e che elli lo cerchauam d’ocier per inuidia. Per zo se n’anda incontenente a lor e si gue disse: “Segnoy, e so tropo bem che voy cerchay de prender Ihesu Criste. Ma se voy me vorey bem pagar, e ve llo daro in bayria. Che he si som so disscipulo e non se guardera de my, e ordenaro lo tempo e lo logo, unde voy porrey lengeramenti prender lo.” E quelli respoxem: “Che voy tu che noy te dagamo?” E Iuda gue disse: “Voy me darey. xxx. dynay de bom argento.” [c] E elli si gue inpromissem alla soa voluntae. Allaora se parti Juda dalli Zue e retorna a Criste. E Criste si comanda alli soi dissipuli che elli penssassem de apareglar la Pascha, e elli si fem segundo che Criste comanda. La zobia sanynta cena Criste inter quella casa con tuti li soy dissipuli, e li si era la donna in la compagna dello figlor, e ella conseruaua tute le cosse e le soe parolle. E seando Criste alla menssa in la ceyna, ello si preyxe lo pam e si lo beneyxi, e lo calexo dello vim atressi, e ordena in quella meyssma ceyna quello sagramento sprecioxo, zoe lo corpo e lo sangue so, e si lo de a mangiar e a beyuer alli soy discipuli. E apresso incomenza a parlar e disse: “Vorey voy odir meraueglosa cossa? Segnoy, he ve digo che un de voy si me de trayr e dar me in le maym delli pechaoy. Aora poei veyr e sauer e cognosser, che lo figlo de l’omo si va segundo che la scriptura testimonia. In veritae he si ve digo, che gay a quello per chi lo figlo de l’omo sera trayo; che ben era per si che ello non fosse zamay nao in lo mondo.” E lantor li dissipuli incomenzam tuti a scuzar se e a dir: “Maystro, chi e quello chi te vol trayr? he non som desso” dixea caschaum. E Juda se voze a Criste e disse: “Maistro, som he desso, chi te dom trahir?” E Ihesu Criste si gue disse: “Ti mesmo l’ay dito.” Messer sam Zohanne si era alla menssa de Criste, inperzo che ello era fantim e Criste si l’amaua monto tenera menti, che za l’aueyua ello ordenao de lassar lo in camgio so alla mayre; e messer sam Pero si sezea a llao de sam Zohanne e era monto pim de dolor de le parolle, che Criste auea dite in la menssa, de lo so traymento. E [in per] zo se voze a sam Zohanne e si gue disse: “He te prego, Zohanne, che tu demandi allo to maystro chi e quello de noy chi lo voi trayr, e quando ello te llo auera dito, ti lo diray a my.” E questo dixea sam Per, inperzo ch’ello volea ocier quello chi volea trayr Criste, che monto amaua grandementi Criste e tropo aueyua grande dogla che Criste deuesse esse morto. E messer sam Zohanne se voze a Criste e si li demanda e disse: “Maystro, he te prego che tu me digui chi e lo traytor.” E Criste si gue disse pia[d]namenti: “Ello e quello a chi he daro lo pam bagnao.” E allaor Criste si de lo pam bagnao a Juda. E quando messer sam Zohanne aue visto zo, si fo monto smarrio e vosse responder a sam Pero so che Criste gue auea dyto, ma lo Segnor non vosse inpaihar la soa passiom, che si sam Zohanne auesse dito a sam Pero, Juda si e quello chi de trahir lo Segnor, sam Per l’auerea morto incontenente, e Criste non voleyua. E inperzo sam Zohanne si cayte in schosso a Criste e si se adormi monto forte, e non poe responder a sam Pero zo ch’ello voleyua.

Quando Juda aue preyso lo pam della mam de Criste, incontenente gue intra lo demonio in lo cor. Inperzo caschum si de prender assempio in queste parolle, de non receuer lo corpo de Criste com pechao, per zo che lo demonio si e appareglao de vegnir apresso, como fe a Iuda, chi aueyua preixo indignamenti lo pam che Criste aueyua beneyxio. Per zo incontenente se leua lo faozo dalla menssa e si ze a ordenar com li Zue, ch’elli s’apretassem e apareglassem de vegnir a prender Criste. E lo Segnor chi bem saueyua donde ello andana, si gue disse: “Juda, zo che tu dei far fa tosto.” E li aotri discipuli se pensam che lo Segnor lo mandasse a procurar alchuna cossa per la Pascha; inperzo non se maraueglam che ello se leuasse dalla mensa. Quando Juda se fo partio dalla mensa della compagnia de Criste, si se nne ze incontenente alli Zue e disse: “Segnoy, appareglay ue, ch’ello e aora tempo de compir la cossa vostra, che aora me som partio da Criste dalla menssa, unde e o mangiao e beuuo com ello. E sapiay che ello andera questa seyra a horar in monte Oliueto, como ello e usao. Appareglay ue monto bem com le arme e vegni com mego; che se voy andassi senza mi, voi non faressi niente, che ello si a un so discipulo, chi e so coxim zermam, chi a nome Jacomo, chi se gue semegla monto, e per auentura voy prenderessi quello in camgio de Criste. Ma he verro com voy, che monto bem lo cognosso, e si ve dago questo segno, azo che voy lo cognossay. Ello si a usanza com li soy discipuli, che quando nissum de lor ven de fora, che elli [41] lo saluam e si lo baxam per la bocha. E in per zo he si faro cossi, che quello allo qual he diro, Maystro, Dhe te salue, e che he baxero per la bocha, prendi quello e sapiay lo tegnir forte, in perzo che tropo bem s’asconderea, se voy non gue auessi la mente, cossi como ello fe quando voy lo volesti prender in lo tempio.”

Quando lo fauzo discipulo aue tute cosse ordenao, segundo che o dito, e si remase per compir lo traymento, lo Segnor qui era remaso alla mensa, quando Juda se fo partio si garda alli soy discipuli e si gue disse: “He ve so dir, figioy mey, una noua monto ferma, che voy serey tuti schandalizay per my in questa noyte. E zo che se troua scripto per lo Propheta, sera verifficaho de my. Voy sauey bem che e scripto, che ferio lo pastor e lle pegore fuziran.” E allaor sam Per, chi era de grande ardimento, si respoxe: “Maystro — disse sam Per — non pensay che he feysse tanta falla. He te imprometo, se tuti li aotri te habandonassem e se partissem, he non te habandonarea fim che he fosse viuo.” E lo Segnor si respox’ a sam Per, per semor da li aotri e si gue disse: “He te digo, Pero, in veritae in questa noyte, auanci che lo gallo cante, tu me renegaray trey fiae, che tu non me cognossi.” De queste cosse fo monto torbao sam Pero e in per zo respose e disse: “Maystro, non me dyr pu queste parolle, che te imprometo, si e bexogno, e som apareglao de morir com tego, auanti che te abandonasse.” E li aotri dissipuli dissem lo semegiente. Quando Criste aue dito a li soy discipuli tute le parolle che o dite, e allaor se leua dalla menssa e si aparegla e si laua li pie alli soy dissipuli. E quando ello fo a sam Per, si non se volea lassar lauar li pie, e si gue respoxe: “Sapi, Maystro — disse sam Per — che tu non me lauaray li pye.” E Criste respose: “Se non te lauero li pie, tu non aueray parte com mego in vita eterna.” E lantor disse sam Per: “Messer, se non te basta li pie, si me laua le maym e la testa.” E Criste si respoxe: “Ello basta ben delli pie.” Apresso queste parolle incomenza Criste a ordenar lo so testamento e si piama li soy discipuli e si gue disse: “Figioy me, ello e tenpo che he vaga a quello chi m’a mandao. Sapiay che he si andero e si staro un poco che voy non me veyre, inperzo che he vago allo me payre. Infra questo tenpo voy si auere tribulatioym e peyna e pia[n]zere. Ma he ve digo che poche tempo andera [b] apresso, e poa me veyrey e lantor si ve allegrarey e la vostra allegreza non ve porra esser tolleyta. He ve dago — disse Criste — un novo comandamento, che voy debiay amar l’um l'aotro, cossi como voy sauey che amo voy, e questa si e la hereditae la qual era perdua per lo pecchao delo primer parente, chi conscentando allo demonio, si perde l’amor de Dhee; e mi som quello chi combato contro lo demonio per far ue render questo amor. E vey si l'o bem trouao e che peyna gue ho durao e quanto me costa questo amor e questa vostra hereditae. Che. xxxiii. agni e che la som andao cerchando e finalmenti, azo che quello amor dello me payre che voy aueyui perduo ve sea renduo , si me couem dar la mea vita e sostegnir orribel morte e tuto lo me sangue spander. Doncha, figioy me, ve prego — disse Criste — che voy gardei bem questa hereditae, che me costa cossi cara, e sapiay che ogni gente cognosseram che seay mey figloy, se voy avere amor e caritae inseme.”

Quando lo Segnor aue conpie queste parolle, si se parti dala casxa com tuti li soy discipuli, e seando za la noyte scura, si vegne a um fyome, lo qual avea nome torrens Cedrom, e passa dotra dallo fyome con la soa compagnia e vegne in su lo monte Oliueto, e de tuti li soy discipuli si ne preyse solamenti trey. Questi si fom sam Per e sam Jacomo e sam Zohanne, e questi si mena com seguo e dauanti da llor si incomenza a doler se monto e a contristar e disse: “Trista la mea vita fim alla morte” disse Criste e si se parti da lor tanto como e lo trayto d’una prea. E allaor comenza a considerar e a contemplar la peyna e la crudera morte, che se aproximaua alle carne, e incomenza forte a tremar per lo grande spauento. Preyxe Criste a horar lo so payre e a dir: “O payre me celestial, he te prego che tu debi veir aotra via, se te piaxe, azo che non beyua questo calexo. Ma tuta fiae, payre me, sea la toa voluntae.” E quando ello aue cossi orao, si retorna alli soy discipuli e trouali che elly dormeam bem forte. E si li deuegla e disse gue: “Per che se voy cossi tosto adormi? non poeyui voy una hora veglar com mego?” E quando ello li [c] aue dessiay, si torna anchor a orar e disse quelle mestesse parolle, che ello auea dito auanti. E apresso retorna anchor alli trey dissipuli, li quaj si eram tornay a dormi se. E lo segnor si li desuegla e si gue disse: “Se voy non poey veglar per my, allo mem veglay per voy, azo che voy non intrey in temptatiom rea, che lo demonio si e monto sollicito de mesihar l’animo delle persone, cossi como se mesihia lo gram inter lo criuello.” Apresso queste parolle, Criste retorna un’aotra fia a l’oratiom com grande aflictium e disse: “O Payre celestial, e so bem che ogni cossa e possibel a ti, e inperzo te prego che questo calexo tu non me llo fazi beyuer. Ma tuta fiae sea fayta la toa voluntae e non la mea.” E quando ello aue compia questa oratiom, la soa carne vegne in monto grande spauento, che per nissunna cossa la carne non consentia alla morte, ma lo spirito e la raxum si consentiua. E de questo si n’aceyze in Criste una si grande batagla, zoe inter lo spirito e la carne, ch’ello si gue vegne un suor de sangue da la testa fim alli pye, che sgotaua forte menti. E alla[o]r descende l’angelo da cel, mandao da lo so payre e si lo conforta.