La Georgica di Virgili tradotta in viars furlans

Front matter

ct ct ct ct ct ct ct ct ct ct

ct ct

fi

Chiant Prim

ct ct

ct Fatta che l’autor ha una succinta menzion di cè che l’ha da trattà in chesch quatri chianz, insegna il mut di coltivà ben il chiamp; racconta l’origine dell’Agricoltura; descrif la qualitat e la forma dei impresch rusticai; assegna lis stagions propriis par iu lavors, e cun varijs osservazions pronostica duch i timps, che soliu acchiadè par regula dell’Agricoltor.

ct

Ce che allegris pò rindi i’ semenaz, Sot qual influs s’abbi d’arà il terren, Strenzi de vit cul olm il maridaz: Qual’art, qual diligenza e qual inzen S’abbi da usà cui bus tant nei stallaz, C’a la chiampagna: e aciò riescin ben, Cimut lis as si devin governà, Generos Mecenat, io nei chiantà.

ct

O vo clarissims cisindei del mond, Che dal cil regolais timps e stagions, Alma Cerere e tu Bacco giocond, Ai cui favors, ai cui benefics dons Il Caòni terren prima infecond Ha tramudat iu spics in siei glandons, E temperada l’Acheloa bevanda Cul most, che il vestri Nume ogn’an nus manda;

ct

Vo pur, Idui benigns del puar villan, Faunos zintii e Driadis zovenottis Voltaisi a mè, ch’io cu la piva in man Chianti i vestris favors in umils notis: E tu Nettun gran Re de l’Ocean Cui de’ tiara lis vissaris commotis Devin il part del chiavallon frement Ai formidabij colps del to trident;

ct

E tu Dio Pan, a cui trisinta gras Manz di Cea si nudrissin sui sterpez, Se di Menalo mai stima tu fas, Lassa la selva, e di Liceo i boschez, Divin Piorar, e l’ to propizi pas Zira in chesta contrada e in chesch distrez; E parimenti tu, Dea de l’ulif, Dannus, casta Minerva, un sguard giulif.

ct

Trittolemo, de üarzina inventor, E tu Silvan, che il tenerel cipres Dala radris tu vas puartand attor: Vo in summa Deitaz quantis che ses, Ch’il chiamp protezis cun paterno amor, Che d’ogni sem alimentais cortes Duch iu raccolz, e nus mandais intant Sora ogni semenat ploia abondant.

ct

E tu Cesar, di cui no savin ciart Ce che vebbi in Cil scrit il Fat ascos, Cioè se un di de gran cittat di Mart Tu devis essi il Protettor zelos; O pur la su nel beatific Puart Cun miors influs e cun aspiet pietos Tu ulis avè de tiera il vast guviar, Felicissima Stella e tutelar:

ct

O che dei fruz dispositor divin E arbitro des stagions il mond t’onori, Di mirt materno incoronat il crin; O te sol il nocchier e ’l mar adori, E de l’ultima Thule il vast cunfin Siarvi a te sol, e ’l to gran Nume implori, E a cost d’ogn’onda par muïer ti dei Teti so fia, e to Madonna sei;

ct

O forsi ai pegris mes gnova flammella, Tra Erigone e lis branchis colocat, T’ulis uniti, or ch’opportuna e biella La sedia lu Scorpion al t’a lassat, E par fatti sta miei la propria stella, E lis zattis a se l’ha ritirat; O sei di te ce ch’il Destin propici Ha destinat par nestri benefici;

ct

(Mentri, se ben de mari plui non cura Proserpina e se ben in grecs Annai Non cessin d’esaltà l’amena e pura Aura d’Elis, però non speri mai L’Infiar d’aveti par so Re, ne cara Di regnà cussì fiera a se ti trai) Direz, ti prei, chesta me impresa audaz E de to protezion spuarzim’ il braz.

ct

Impietosit de misera ignoranza Di chei bifolcs, che del sigur sentier Fallin il cors e che par tal manchianza No san chiettassi in chest divin mistier; Entra a fermà cun me la lor costanza E de rason a dai lum plui sincier, E del mond che t’adora in zenoglons Usiti za sintì lis orazions.

ct

Nel mes di Mai, all’or che dai Monz gris A disfassi l’umor si va vedind, E che di za il terren di sot ai pis, Zefiro tepidet us va ammolind, All’ora appont son arrivaz chei dis, Nei quai lu bo s’ha da vedè zemind De üarzina pesant sot al rigor, E lustrat sot al solc il dur versor.

ct

Chel semenat sarà simpri plui ric, Che dopplamenti l’avarà patit Tant del fred che del chiald l’alterno intric, E ben content farà anchia l’appetit Del villan ch’emplerà l’ingord bultric Se prima da la fam za l’era arsit: La prova ha fat vedè che del granar Un tal raccolt sol sfonderà il solar.

ct

Prima però d’arà l’incognit plan Bisugn’avè dei vinz l’esperienza, E conven imparà di man in man De l’aria iu accidenz e l’influenza; Bisogn’avè par no strassiassi in van De qualitat dei siz dutta la scienza, E vedè ce che abbrazza e che aborris La Natura, l’istint d’ogni pais.

ct

Percè che in qualchi luc felicementi Ries a maravea il semenat; E in qualch’altra contrada solamenti Il brud de l’üa l’è privilegiat; Son po dei altris siz che parimenti Possedin una tal felicitat, Che vadin per natura za supierbis D’arbui, di viz, di semenaz e iarbis.

ct

Viostu cimud che i siei soafs odors Tmolo nus manda, e l’India nus dà ’l cens Del fin avori, e dai estrems calors Nus dà il Sabeo il religios incens? Il Calibe di fiar nus dà soccors, E l’odor del castori acut e intens Ponto nus manda, e d’Epiro lis stallis Puartin la palma d’eccellenz chiavallis.

ct

Chesta è in summa la lez, chesch son i paz, Che innatamenti la natura ha dat A ciarz lucs e iu ha cussì leaz Che il precet iu natura è za passat, In timp appont, quand che forin buttaz Iu clas nel antic mond disabitat Dal bon Deucalion, dai quai si spazza Che nasses po de l’om la dura razza.

ct

Su donchia, in primavera a dà di man Scomenza al to versor, e l’ gras terren Ara traviars cun e , Acciò lis zollis messediadis ben Si svein de so pigrizia e dein del pan, Come sol dà la mari il lat dal sen; E sul vigor pò de stagion madura Lis cuei d’estat la polverosa ardura.

ct

Ma se la tiara no sarà feconda, Del pegri Arturo iust al prim ingres Rompila suttilmenti e non trop fonda: Che altrimenti la iarba nosares Al semenat, e l’arena infeconda Umor bastant zamai ricevares: Anzi lassa che ’l polsi alternamenti Il chiamp, un an si un nò, quietamenti,

ct

O dopo che il lium è za racuet Che del cosul al pes curvat pleava, O il frosc de vezza miser e neglet, O del fust anchia de luina fava Sesolat tu avaras l’arid boschet, Che dal vint scodolat nel chiamp sunava, Jo ti consei a semenà chel gran Ch ’l fas lasagnis e polenta e pan.

ct

Parcè la vena e ’l lin il chiamp ti brusa Non manco ch’ l papaver durmion. Ma se il villan d’ingrassà il chiamp non usa, Poc anchia i zovarà sta mutazion: Se po il terren di plui frattà ricusa Vai sparzint de cinise. In conclusion Se t’us ch’el frutti ben, lassila stà Qualchi volta in ripos, e senz’arà.

ct

Ha zovat assai voltis il dà il fuc Al chiamp isterilit e brusà il frosc Cun flammis scloppettanz, e spaurì il cuc Cul falu ritirà nel miez del bosc. Chest però non capis un mamaluc E quasi ogn’inzen resta ottus e fosc, Se cun chest at vegni a sveà il terren Qualchi fuarza o virtut occulta in sen.

ct

O se par via del fuc a cunsumà Si vegni ogn’occult vizi, o forsi via Ogn’inutil umor vegni a sudà, O aviarzi chel calor plui d’una via E plui spiracui vegni a relassà Par fa strada all’umor che di fur via S’insinua nel terren e cun dolcezza Puarta alis gnovis iarbis morbidezza.

ct

O se forsi chel fuc indura e strenz De tiera trop porrosa il laberint, Cul fissai d’ogni vena il ram che renz, Acciò il plojam impetuos o ’l vint, Che tal’or spira cui siei faz algenz, O del soreli estif l’ardor buijnt No passi a brustulà del zermuei Iu debij parz zintij e tenerei.

ct

Lu sminuzzà cu ’n ben dentat rastiel Lis pegris zollis le una buina vora, O grattai cu la grappa anchia il chiapiel. L’è ben sigur cui che cusì lavora, Che senza frut iu dal celest chiaschiel Cerere no la chialla e no lu onora E nol dubiti par che chest uffici A che gran Dea le degn sacrifici.

ct

Cui po ch’arand al taia la planura, E ’l terren che col vomer l’ha ievat D’aralu par traviars l’ha gnova cura, Movind spes la cunviera, o fortunat! Lui sì che ben intint l’agricultura. Nel solstizi preiait l’umiditat E supplicait d’avè l’inviar seren, Agricoltors, che stares simpri ben.

ct

L’esperienza insegna, che il forment Nel terren polveros de la invernada Le simpri allegri, e ’l chiamp ognor rident. E credemal a me, che mai è stada La Misia in altris timps cusì opulent; Anzi l’istessa Gargara contrada Stupìs, e si trasecula ogni volta Che son talis stagions, de so raccolta.

ct

Ce dirinno di cui che sparnizand Sul chiamp, prima d’arà, va la semenza, E poi i grums arenos el va splanand, E di lalla innondand si chiol pazienza Cu là flumara, o cul rivel? E quand Ch’a brusà ’l chiamp la siccitat scomenza, E la iarba di za s’illanguidìs. E va flappind in sin a la radris;

ct

Ecco che subit da la gattarada Di pendent sborrador biel biel al tira L’aga che chiad abbàs, e di che strada Va mormorand pai clas com’una lira, E l’arida chiampagna, che secchiada Za si vedeva, a chell umor respira, Qualchidun po al forment, acciò la barba I cressi folta, lu pascola in iarba;

ct

Ch’altrimenti la gran so morbidezza, Che lu rindeva trop lusurios, L’avarès fat chiadè par la gravezza. Ce distu po di cui ch’industrios Il paludos umor cun gran destrezza Va nel savalon spongios, Massimamenti quand ch’il flum dal iet Surtìs e ’l stagna nel vicin distret?

ct

Ma che dut chel che t’ai spiegat sin chì Sei de l’om e del bò dura fadia L’esperïenza nus lu fas capì. Ca però sol nu sta le perizia, Ma bisugna uardassi e gnot e dì Dal dan dell’occhia, e da golosaria De ingorda grua e da jarbaz nocif E dall’orror del ombrenul chiatif.

ct

Al non ha ulot in summa il gran Tonant, Che l’om vivi ca jù senza sudor; Lui sol autor di chest mestier pesant È stat e ha chiolt al chiamp l’innat vigor, Sol par rindi il mortal plui vigilant, E falu plen d’industrios ardor; In summa non ha ulut il Re del mond Lassà marcì ’l so regno in sun profond.

ct

Prima di Giove non fo mai nissun Che coltivas la tiara, o che il cunfin Mettès ai chiamps: ma duch, duch in cumun Vivevin i umin. L’interes sassin Nol dominava mai la ment d’alcun, Ne regnava d’invidia il brusighin, Ma senz’altri ’l terren plui liberal Nudriva coi siei fruz ogni nemal.

ct

Cui donchia è stat, che il natural velen Ha spirat ai serpinz, e la rapina Ai lofs ha istillat, molat il fren Al mar, schiassat das fueijs la mel plui fina, E allontanat in sin del fuc il ben, E del vin abondant l’onda divina, Ch’in diviers flums del mond leva corrind, L’ha ulut ch’alfin si vadi via piardind.

ct

E acciò l’us cu la so speculazion Diviarsis arz si les scrusignand fur, E il bisugn genitor de l’invenzion Cun nestri slent laborios e dur Vadi indagand de tiara ogni chianton Par trai la iarba del forment del scur, E cul miez inzegnos del battifuc Giavà dal sen di freda piera il fuc.

ct

All’ora fo che d’un troncon sgiavat Scomenzavin iu flums a sintì l’ pes; E d’ogni astri il nocchier l’avea notat Il nom e ’l numer sula chiarta estes: Pleiadis, Hiadis l’ha battiat Par il lor nom, e Artic pont distes. Ju laz e ’l visc all’ora s’inventarin E al salvadi e ai ucciei si parecchiarin.

ct

Cui scomenza cui chians a circondà Ogni vast boscaja, e cu la tratta Il flum, par larg che ’l fos, a dominà, Cui nel mar plui profond lis velis tratta; Cui sappa fur il flar e par seà Legnam e fiar, la sea all’or si chialta, Mentri prima cui conis si tajava Il legnam e cun chei si lavorava.

ct

Plui e plui arz all’or forin chiattadis, Mentri l’aspra fadia e ’l bisugn fier Superin dut. Da Cerere inventadis Forin lis manieris e lu mistier D’arà il terren, iust quand che appont ievadis Forin lis glanz e il audriment primier Del bosch sagrat, e che Dodona omai No nua voleva dà nanchia un chief d’ai.

ct

Ma par anchia ’l forment ch’avìn chiattat Esent a no nus va dal so malan, Che ’l chiarbon nus lu mangia, e ’l cardi ingrat Se ben poltron i va puartand del dan. Mur la semenza, il trivul disgraziat E dell’altri iarbaz il sen tiran I’ entra e forma, cun chel di vena e vraia Nel plui biel semenat aspra boscaia.

ct

Onde, se cul rastiel no tu laras Travaiand spes la tiara, e se i ucciei Cun qualchi strepit non tu spauriras, Se de l’ombra iu opacs e dens chiapiei, Che il bosc ti causa, no tu estirparas, Sa non tu preiaras che il cil ti dei Ploia: ahime! che par to disgrazietat A mangiù gland tu vignaras sfuarzat.

ct

Bisugna or che des armis ti discorri Che il dur villan devi doprà: parcè Di lavorà la tiara non po corri Senza ches la ver’art; crodilu a me Prima di dut, chel che ti puessi occorri L’è il versor ben uzzat e insieme l’è De uarzina pesant il pes gravos, Po il chiar d’Eleusia lent e fadios.

ct

It tribut e la treula e del grappon Il piettin inferat e di Celeo Il cos, il vil gradiz e in conclusion Il draz misterios del gran Lieo. Di dug chesch istrumenz la provision Tu dovras fa senza che i manchi un neo, Se tu as stimul di gloria genuina Di chest art rustical alta e divina.

ct

Par formà po la uarzina e il sommani, L’olm zovin di pleà sun chel model Non ti sei gref e non ti pari strani; Adattaras a chesta un temon biel Che da vot pis un pont non s’allontani, Dos orellis e in oltre un bon curtiel E po su dopli dues il so dental Par il versor, che i vadi iust e ugual.

ct

Ma par fa un iof lizer è bon il tei, E par mani de uarzina il faiar, Che par chialchià no si pò da di miei Di daur via la part bassa del chiar; Faras che inoltre il roul picchiat al sei Al fum che lu fas dur just com’il fiar; Jo ti pues dà ben tros avvertimenz Se no tu schivis di tigniu a menz.

ct

Dei viei io ti pues dà plui d’un precet, Pur che l’applicazion no ti rincressi E che tu vebbis anchia qualchi affiet A lis minuzijs. L’aria devi or essi Par batti ’l gran fatta in un plan perfet, Che si nalìvi ben quant dì si puessi, Cul cilindri plui grand ben livelada E po cun de l’arzilla ben saldada.

ct

Bisugna usai sta diligenza acciò No i cressi iarba o no s’iscredillissi; Son po d’altris malans e acchiadi pò Che di surris il nid s’invedranissi Sot via, e chestis no son zanzis, no; Ne dificil ries a ben capissi Che des bestijs ben spes e chiast e chiot Si, solin fa, cun nestri dan, la sot.

ct

Fas anch’il fare l’istessa furbaria, E se ben uarb si forma i chiamarins, E’l volp no le minchion, che di sot via Si va anchia lui chiazand fra chei visins; I entra alfin l’altra compagnia Dei mostros sotteranis e sassins, E anchia di chel viar la gran malora Che distruz il forment e lu devora.

ct

La provida furmia ch’ha paura Di sossedà di fam nei siei viei dis Ul fa la sot je pur la so figura. Contempla or del forment ce che io ti dis: Se t’us savè se ne ’l estat futura L’avi d’avè pesanz e rics iu spics; Se tu vioz il noglar chiarriat di flors Plui che di fuea, è ben pai battadors.

ct

Ma se i flors par disgrazia colaran, E lassaran di fuea i rams ombros; Par il forment chel no sarà bon an, Che ’l riuscirà pur trop penorios. Hai vidut tros, che la semenza van Imbalsamand cun de l’unzint nitros E cu la nera morchia la masillin, E cussì mior fertilitat i stillin.

ct

Hai vidut impleà del timp assai Nel cernì de semenza il mior gragnel, Pur, cun dut chest, sperimentada io l’hai, Nel fin a peiorà, s’oltre di chel Il contadin no si risolf a dai La scelta ogn’an, però che il dint crudel Del timp voraz il dut degenerà, E che il denand daur fas ritornà.

ct

Non altrimenti che succed a cui Che cuntra il cors del flum chiazza la barchia, Mentri dei braz se la costanza i fui Al dev fa retrograda la marchia. Oltre di chest bisugna che culoi Che nol ul essi un mat, o un zus di marchia, Il procellos Artur e dei chiavrez Ju dis osservi e del madrac la lez.

ct

Just come fa devin appont culor Che tornand a la patria pal turbat Viaz del mar, procurin cun vigor Di salvassi d’Abydo al stret paccat; Quand che la Libra po de gnot l’orror Cul lum del di varà just pareglat, All’ora è il timp, che i bus esercitais E che il uardi nel chiamp vo semenais.

ct

E chest fait pur in sin a l’imminent Ploia del crud inviar, e seminait Anchia del lin, e no us essi di ment Il cereal papaver; ma dut fait Mandà sottiara, in sin che il cil clement Us lassa il terren sut, e no intardait A fa duch chesch lavors, sin che vedes Pendi lassù nell’aria il nul sospes.

ct

Si semina la fava in primavera, E la medica iarba o sei trifuei; E chesta è anchia pal mei la stagion vera, Quand che za il Toro in cil cui siei cuars biei A divierz l’an, e da l’oppuesta sfera Si part il chien, e l’ sin va a fa i faz siei. Ma se forment o faro semenà Tu orras, in altri timp tu l’ dovras fà.

ct

Tu staras donchia attent e vigilant Che lis stellis d’Atlant plui no scintillin, E che i splendors, sul luminos turbant De stella Candïana plui no brillin, È stat però plui d’un ignorant Che mentri ainmo chei cisindei sfavillin L’ha volut semenà, ma in luc di plena Raccolta di forment, l’ha racuet vena.

ct

Se però semenà vezza o fasui Tu oras, o pur la linz pelusiana Faras tu iust quand che Boote fui, E tra lis sos zilugnis si rintana, Par chest il Re de Lus la sora i bui Nel cil seren corrind va a la quintana, Pai graz di dodis costellazions E l’ rez il mond divis dut in porzions.

ct

E par chest zonis cinq il cil comprendin Fra lis quals è la torrida, parcè Del soreli iu ardors simpri l’accendin: Da diestra e da sinistra dos in d’è Che da na pont glacial simpri dipendin, E nè anchia Apollo lis pol mai vedè; Fra chestis e la torrida son dos, Che ai mortai a lassat Giove pietos.

ct

Fra l’una e l’altra di ches dos tajada E una gran strada obliqua, par la qual Fas il soreli la so galoppada, Tocchiand di mes in mes il so segnal: E come il mond viars la Scitia glazzada Sta in alt, cioè alla part settentrional, Cussì pleand viars la part oppuesta L’Austri lu chialchia abbas e lu calpesta.

ct

Che cima è simpri in alt, ma la contraria Vedè non la podin; che sot di no La viod sol del infiar la chiattiv’aria. Un serpint smisurat quant di si pò Ca via si volta e mai la sfera è ’l varia; Ma attor lis oris fas simpri il zir so Come un flum, lis quals oris son just ches Ch’in mar si schivin di bagnassi ’l dues.

ct

La via [par quant si dis] o che la gnot Sta simpri fissa si cups orrors, O che da chenti comparis di sot L’alba, che dal gnof di puarta i splendors; E quand che ca di nò il soreli ha mot Il chiar, e ’l nus recrea cui siei lusors, Za sponta fur la matutina Stella Ch’in chel notturno cil siarf di chiandella.

ct

Dalla costituzion donchia del cil E dal varj apparì di chei lumins Scuorin il timp di doperà ’l badil E des stagions notin iu vers cunfins. Cusì a formassi vignin regula e stil D’intraprendi i lavors, e dei marins Pericui imparin la vera pratica E de navigazion ogni prammatica.

ct

Cussi podin savè quand che fidà Dovin la flotta al mar cun sigurezza, E cognosin quand che dovin taià Legnam ch’ebbi la so durevolezza: Che non senza misteri si sol fà Dei segns cellesch la sgiambievolezza; E ’l provid contadin nol chialla in van Quatri timps diferenz ne l’istes an.

ct

Intant se da la ploia sequestrat In chiasa tu saras, no sta di band, Ma ce che fas bisugn pal timp pacat Parecchia all’ora e manda l’ozi in band, Che se di fà, bon timp dut in un tratt Tu spiettis, tu ’l faras precipitand; Mentri cului è mat in tel cernelli Che a ottober diferis di fa il chiavelli.

ct

L’ottus versor a batti all’or s’attind, S’ingiavin fur dal zoc iu zoppolez, Si van segnand lis pioris e mettind Si va del gran il numar ai mucchiez. Si spizzin raclis, e ’l lavor s’estind A uzzà la forchia e a preparà i lazzez, Di bogn vencs par leà di chiara vit La propagine santa e ’l vital pit.

ct

Ora di vencs a tiessi la sportella Meteisi, ora secchiait la blava al foc, Ora po mesenaila sot la muela, E no essit poltrons e faz di stuc Cul crodi ch’a qualch’altra bagatella Di vora anchia lis fiestis non deiu luc; Non è tant rigoros ai puars villans Il di festif, che i lei affat lis mans.

ct

Non è proibit da Religion alcuna Che l’esit no si dei al soolador, E si giavi dal chiamp ogni laguna; Lecit pur anchia è il premuros lavor D’allontanà culor, che a lus di lans Robin la blava e l’ua senza rossor; Bisugna sierrà il chiamp, e no lassà Ch’anchia i nemai lu puedin dannezà.

ct

Insidia cui laz e cul vergon I’ ucciei, brusa i baraz e dentri al flum Fa lavà il besteam: il mus poltron Chiarria second a l’asinin custum Di üeli e pomis e d’altra rason Di robba, e i si po metti anchia l’untum (Tornand da la cittad) di nera pes Opur la muela rebattuda adues.

ct

Bisugna, oltre di chest, tignissi accuart Ai dis de Luna, mentri enfra di chei In d’ha ciarz d’infeliz la rustic’art E alcuns bogns che’ al lavor bisugna ellei. Il quint schivilu simpri al par de muart, Ch ’l puarta simpri in fazza un orrid cei Mentri nassè l’Orco in chel dì e cun chel Des Eumenidis l’anima crudel.

ct

In chel dì doloros è sventurat De tiara è succidut il part infam Di Ceo, Japet e di Tifeo spietat, E di chei fradis ch’al celest regnam Movi empia üerra a vevin scomenzat Cul cuarp imens, cul smisurat chiarnam: Pelio, Ossa, Olimp l’un sora l’altri alzarin, Ma abattuz lor e i monz dal cil restarin.

ct

Il decim settim po par planta viz Le bon assai e ’l ven anch ben iopar Par domà sot al jof iu bus naviz E par iustà la trama sul tellar; Il nono ai fugitifs è assai feliz, Ma a chei, che nel robbà neanch’all’altar La perdonin, le ben molto contrari Se fossin pur vistuz anchia di frari.

ct

Anchia di guott si fazin assai voris, O nel timp che apparis l’amid Aurora: Si taiju miei in ches noturnis oris Iu lisers froscs, e del seà la vora Sul’arid prat va miei in ches stagions Ch’al mel umor den plui lenta dimora; E qualchidun, visin al fuc la sera Par fa des faglis lassa la ljsera.

ct

In tant par da solef a la fudia La muir va chiantant la falilella E insieme cun industria e maestria Par fa linzui si va tissint la tella; Oppur per varia l’economia Fas il vin cuet cul most de la ribuella E mentri ’l bol e ’l va buttand la spuma, Je cu lis fuejs la chialderia sbruma.

ct

Come il lavor del seselà e del batti Si fas nel chiald cussì lu has d’avè cura Ne l’arà e semenà di no chiattati Bisognos di gaban par la fredura, O par la ploia che vegni a bagnati, Mentri l’inviar rind pegra ogni fattura, E i villans in chel timp altri no fan Che gioldi sol il frut che racuet han.

ct

Si van fasind tra lor iu siei banchez L’un là da l’altri e stan allegramenti; La stagion genial a chei chiassez In alletta e iu fas sta serenamenti; Cussì al navil quand che le stat un piez In mar e ’l tocchia il puart quietamenti, I marinars i van fazind la zoia In poppa e stan duquanch di buina voia.

ct

Ma non bisugna po piardi la mira A cuei la gland, la pomula d’orar, La casta uliva e mareosa mira. L’ha i siei divertimenz anchia l’inviar, Si tind laz a lis gruis, il ciarf si tira Entri a la ret cu l’un e l’altri cuar, Del ieur spauros si fas la legra chiazza, Si pia la dama, o cul frandeu si mazza.

ct

Chest appont si sol fa nei dis algenz Di nef e quand ch ’l flum sburta la gluz; Ma ce dirinno di chei timps orrenz Che ne l’autun solin semà il bottaz, E in primavera dissipà i formenz, Quand che il chiald è rimes e i dis scurtuz, Quand che chiad iu dal cil cun gran ruina Le ploia, e i semenaz uasta e ruina,

ct

Quand che il raccolt ha scomenzat a cressi Robust nei chiamps e del forment it frut Lusurios di lat si viod ad essi? Ce grand applicazion, ce grand virtut Dev avè l’om costant, che no i rincressi Il sorastant pericul? Da per L’ha da sta vigilant e provedè Ai malaus che i podessin acchiadè.

ct

Jo stes hai osservat ben assai voltis Mentr’i seseladors za barba Zec Veva menat nel chiamp, e in man racoltis L’avea lis giambis za del uardi sec; Di duch iu vinz dischiadenaz involtis Lis furiis ievà, sin ad un stec, Entri a un neri seon, da la radris Il raccolt e puartalu in tel abis.

ct

Immensa è parimenti la chiaduda Des aghis che ben spes dal cil ruinin, E cunzelaz i nui d’orrida cruda Tempiesta, brontoland la su chiaminin, Po cun precipitosa dischiaduda Li blavis e i sudors dei bus ruinin: Il furios ploiam empla ogni fuessa, Precipita il torrent, il flum s’ingruessa.

ct

S’agita il mar, e di furor s’accend L’onda iritada, e ne l’opac orror Di chel timp spaventos Giove tremend Scocca dei folgs il scintilland fragor. Trema la tierra a chel rebomb orrend; Schiampin l’istessis fieris e ’l terror Umilia e sbiguttis ogni mortal, Che viod e sint, chel tragic temporal..

ct

Intant i Re del Cil bat e fracassa Cul stral ardent di Rodope il cimier, O de l’aspra Ceraunia urta e sconquassa L’inaccessibil cima e ’l chiaf altier. Si radoplin iu vinz e si rilassa Plui frequent il ploian, e ’l bosc lizer Da l’Austri violent resta agitat E ogni lid a l’intor veu strapezzat.

ct

Or fu donchia temind chesch fiers malans Lis costellazions osserva e spia Dei lums celesch ei lor occulz archians, Dulà che di Saturno si ripia La freda stella e i siei aspiez tirans, Di Mercuri in qual puart e par qual via Vadi errand il splendor, ma sora dut De santa Religion ricor al scud.

ct

Cui consuez sacrificis annuai Conven che la gran Cerere s’onori Su la iarba recent e sui novai; Quand che la vioz che Zeffiro ristori Il chiamp e’ l’Aquilon no i dei travai, Ma il mond e il plan la primavera inflori, All’ora iu aguilluz si chiattin gras Il vin piard la crudezza e bon si fas.

ct

All’ora è il bon durmì e a la montagna Si va viodind plui folta la lombrena; La zoventut duquanta di chiampagna Cerere adori, e cu la ment serena La supplichi d’aiut e di cucagna; Tu par compì che divozion amena Conforme al Rit e al gran precet divin Tempra la miel cul lat e cul bon vin.

ct

L’ostia feliz tre voltis attor vadi Dei fruz novei e la pia comitiva E dut il coro del popul salvadi Seguiti via gridand: Cerere viva! Ne mai per qualsisei pretest acchiadi Che il villan taij o metti ’l gran in stiva. Se cu la zoia in chiaf di roul prima No l’ha chiantat la so devota rima

ct

M’acciò si puedi simpri antivedè Ogn’accident dai plui communs indicis, O del sec imminent, o provedè, De ploia e dei vinz frez iu maleficis, Giove sovran l’ha vulut provedè, Che fazi anchia la luna i siei ufficis Cul dàunus ciarz segnai di mes in mes, Quand che nas, quand che calla, e quand che cres.

ct

L’ha disponut pur anchia il divin Pari Sot qual influs sparissi il vint austral; E l’ha vulut che il contadin impari A tignì il voli accurat e puntual, In osservà il ver timp, senz alcun svari, Di pascolà vicin al puarteal O a la stalla l’arment par podè sclet Tiralu, in cas di chiatif timp, sottet.

ct

Sì che quand che tu vioz a businà Iu vinz all’improvis e che del mar Sbattind o intumidind l’onda si va, Quand che nei monz è un tal fragor che l’ par Una rosta di un flum, e a brontolà Tu sinz d’intor come il rumor d’un chiar, E in summa quand che par che la boscaia Fazi cui siei ramaz aspra battaia,