Стоглав, собор 1551 года

СКАЗАНИЕ ГЛАВАМ СОБОРА

Царския вопросы и соборные ответы о многоразличных. церковных чинех 1

О предословии 2

О царском рукописании, иж на том же соборе вдаст царь своея руки писание з богодухновеным наказанием и с душеполезным покаянием, зело полезно слышащим и внемлющим, имуще сице 3

И потом царь вдаст на соборе иная писания о новых чюдотворцех и о многоразличных церковных чинех и вопросех имуща сице 4

О тридесяти и седми царских вопросех о церковном строении 5

И о тех о всех царских вопросех соборной ответ. 6

Указ о звону и о церковном пении по уставу и по священным правилом ничтоже претворяюще. 7

О божественых службах соборной ответ. 8

Указ божественыя службы, како достоит священнику и дьяконом служити или единому. 9

О царских дверех ответ. 10

Соборной ответ о запоне святого олтаря, когда отверзается и когда затворяетца по уставу честных монастырей святые горы и иаръствующаго града. 11

О священном олтаре, ничтоже от брашен в жертвеник да не вноситца. 12

Ответ от священных правил о жертвенике и о кутейнике. 13

Ответ о соборном о священническом сану по священным правилом. 14

Правило 16. Иереем иже не облачаются в священныя ризы ли неразумием, ли гордостию, ли леностию. 15

Правило 17. Святого И ванна милостивого в поучение попом. 16

О детином крещении. 17

Ответ о обручании и о венчании. 18

Чин и указ, аще будет поняти вдовцу девица или за уношу идет вдовица. 19

Последование иное. 20

О втором браце, иже во святых отца нашего Никифора Констянтина града исповедника. 21

О том же блаженного Никиты митрополита ираклийского ответы к некоему Констянтину епископу, о них же вопрошен бысть, о двоеженцех запрещение. 22

О втором же браку и троеженцех. 23

А о четвертом же, отречено браку, и о третием. 24

О дияцех, хотящих во дияконы и в попы ставитися. 25

О училищех книжных по всем градом. 26

О святых иконах и о исправлении книжном. 27

О книжных писцех. 28

О всех протопопех, и о соборных и о ружных и о пределных священникех и дъяконех. 29

О ружных попех и о дьяконех. 30

О крестном знамении, како подобает архиереом, иереом рукою благословляти и знаменоватися, и прочим православным хрестьяном знаменоватися и покланятися. 31

О крестящихся не по чину. 32

О содомском гресе. 33

О церковном чину. 34

Указ соборным старостам поповским на Москве и по всем градом, чего ради церковь соборная и староста избран туто и иные многи церкви и попы и дьяконы причтены туто приходити. 35

О наказании чад своих. 36

О том чтобы налживе креста не целовали. 37

О том же крестном целовании от божественных правил. 38

О тафьях безбожного Махмета от священных правил69. 39

О стрижении брад. 40

О тридесяти и дву царских вопросех и соборные ответы по главам. 41

Ответ о трегубой аллилуйи. 42

Соборной ответ о живописцех и о честных иконах. 43

О освящении церкви. И о том соборной ответ по священным правилом. 44

О освящении церкви. 45

Ответ о венечной пошлине. 46

Соборной ответ о антимисех и освящении церкви. 47

Соборной же ответ о венечной пошлине. 48

О святых честных монастырех о том соборной ответ по священным правилом. 49

Ответ о священническом и иноческом чину. 50

Ответ о приходящих священникех и дьяконех. 51

О пъянственом питии. Собрание от божественаго писания. Ответ, яко не подобает во обители питию быти, от негоже пьянство бывает. 52

О святительском суде. Соборной ответ от священных правил апостол и отеческих, и от заповедей благочестивых царей, от правил святых апостол. 53

О том же святительском суде от священных правил святых апостол второго правила толкование. 54

О том же святительском суде от священных правил собора, иже в халкидоне, правило 9. 55

О том же святительском суде. Собора иже в Карфагене правило 15. 56

О том же от книг Устинияна царя. 57

О том же от различных тител Иустинияна царя. 58

О том же правило 87 тогож Иустинияна царя. 59

О том же святаго и равноапостольного Констянтина и святого равноаполъстолънаго великого князя Владимера киевского и всеа Русии духовныя их заповеди с великим запрещением, что мирским судиям священнического и иноческого чина не судити, ниже на суд привлачати имуща сице. 60

Заповедь благочестивого царя Мануила Комнина греческого на обидящих святыя церкви. 61

О том же благочестивого царя Иустинияна глава 1 от свитка новых заповедей. 62

О том же святаго и равноапостольного великого князя Владимера киевского и всеа Русии, тамо бо во своем царском завещании и законоположении написа сице. 63

О го-м же послание Киприяна митрополита киевского и всея Руси во Псков о святительском суде. 64

А се, что судят попов миряне и казнят их и ссужают. 65

Ответ о святительском суде. 66

О несудимых грамотах. 67

Соборной ответ о архимаритех и о игуменех, и о священни-кех, и о дьяконех, и о всем священническим и иноческом чину. 68

О венечной пошлине царев указ и соборное уложение. 69

Ответ о пустых церквах, что стоят бес пения. 70

0 нищепитательстве ответ 71

0 искуплении пленных 72

Ответ о богадельнях, и о прокаженных, и о клосных, и престаревшихся и по улицам в коробех лежащих и на телеш-ках и на санках возящих неимущим, где главы подклонити 73

Ответ о святых и честных иконах 74

Ответ о вотчинах и о куплях, которые боголюбцы давали святым церквам на память своим душам и по своих родителех в вечной поминок и в наследие благ вечных 75

Ответ о святительских и о монастырских денгах без росту и о хлебе без наспу 76

О том же послание великого Василия к Григорию презвитеру правило 87 77

О том же от послания Фотея митрополита всеа Русии во Псков о вдовствующих попех 78

О тех же вдовствующих попех и дьяконех преподобного игумена Иосифа ламского волока, самобывшаго на том соборе, собрание от святых правил 79

О тех же вдовствующих попех грамота великих князей. Мы Иван 80

Ответ о вдовых попех и дьяконех 81

Ответ о том, что впредь чернцом и черницам в одном монастыре не жити 82

Да на том же соборе преж нас отцы уложили 83

Ответ о новопоставленных церквах и о новых пустынях и о пустынницех 84

О затворницех и о пустынницех 85

Ответ о избрании и о поставлении архимаритов и игуменов честных монастырей повелевают священная правила 86

О проторех на поставление дьякона и попа 87

О гол же благочестивого царя Иустинияна глава 32 88

О том же поставлении и проторех от послания Фотея митрополита киевского и всеа Руссии во Псков 89

Ответ о том, комуждо подобает свой чин хранити 90

Ответ о кровоядении и удавленины не ясти 91

Ответ о игрищах еллинскаго бесования 92

Ответ о том же еллинском бесовании и волхвовании и чародеянии 93

Ответ, в которые дни суд не судится и позорище не бывает. Седмые грани глава 1 94

Ответ, како подобает православным праздновати 95

О епископех и о причетницех правило 80 96

Ответ о милостыне и о руге по многим монастырям 97

Лета 7059, сентября в 15 98

Царское и соборное послание к бывшему митрополиту Иасафу и иже с ним 99

Ответ бывшаго Иосафа митрополита о Цареве и великого князя и митрополичье присылке соборной 100

Лета 7059, майя в 11 царь и великий князь Иван Васильевич всеа Русии приговорил с отцом своим Макарием митрополитом всеа Русии и со всем священным собором о всяких вотчинах 101

В ЛЕТО 7059-е МЕСЯЦА ФЕВРАЛЯ В 23 ДЕНЬ.

ГЛАВА 1

Быша сии вопроси и ответы мнози о различных церковных чинех, в царствующем граде Москве в царских полатах, от благоверного и боговенчаннаго царя и государя и великого князя Ивана Васильевича всеа Русии самодержца к отцу его Макарию митрополиту всеа Русии, и ко всему священному собору, в осмоенадесять лето царства его, в двадесять же первое лето от рожества его, при его отце Макарии митрополите всеа Русии, в девятое лето святительства его, и всего священного собора архиепископов и епископов руския митрополия самобывших тут: Феодосия, архиепископа великого Новаграда и Пскова; Никандра, архиепископа ростовского и ярославского; Трифона, епископа суздальского и Торуского; Гурия, епископа смоленского и брянского; Касьяна, епископа рязанского и муромского; Акакия, епископа тверского и кашинского; Феодосия, епископа коломенского и коширского; Савы, епископа сарского и подонского; Киприяна, епископа пермского и вологоцкого, с честными архимариты и игумены и весь священный собор о многих и различных церковных чинех и исправлении, и о трегубой аллилуйи , и о монастырских чинех , и о общем предательном житии, и о пьянственом питии, и о прочих священных чинех, и о святительском суде, и вперед святителем у себя детей своих и племянников не держати, також по всем честным монастырем общим и особь сущим архимаритом и игуменом детей своих и племянников у себя в монастыре не держати, и о прочих священных чинех по преданию святых апостол и святых отец, и по священным правилом, и по божественому уставу, ничтоже претворяюще, и о вдовствующих попех и дъяконех, по преж нас уложенному собору отеческому, и по учению, и по наказанию, цже во святых отца нашего Петра митрополита киевского и всеа Русии нового чудотворца, и по написанию святейшаго Фотия митрополита киевского и все Русии, и по собранию и по написанию от священных правил апостольских и отеческих, преподобного игумена Иосифа Дамского волока, самобывшаго на том прежнем соборе, о вдовствующих попех и дияконех, что им в миру живущим не служити.

И о всем о том предисловие сего собора имея написание сице.

О ПРЕДИСЛОВИИ ГЛАВА 2

Премилостивый и милосердый бог, прехитрый содетель всея твари видимыя и невидимыя, великий промысленик человеческому животу и спасению, и во всей своей твари, якоже на небеси в солнцы и в луне и во звездах, такоже и на земли, и в мори, и во птицах и в зверех, и в скотех, и в рыбах, и в гадех, положил всем естественныя нравы - себе на послужение, человеком же в научение, како подражати навыкнути человецы добрые нравы, а лукавыя и нечестивыя нравы отметати, и гнусны имети всегда. Мы же оставим ныне о прочих творениях, вмалесице изречем. О сем исписа некто мудрый, зело, рече, прекрасно при утрени показуется солнце светоносно, бо сый тма им обгоняется, и луна охуждает, и нощь не состоится. Уяшняет день, просвещает воздух, небо красно показует, землю удобряет, море облистает, и нестъ мочно видети звезд на тверди небесней, едино бо то своими лучами осиявает всю вселенную и что к сим. Аще убо чювственное солнце толику силу светлости имать, то колъма паче разумное солнце. Чювственное убо сие солнце на чювственая места сияя, мокроту земную изсушает, разумное же солнце явльшееся нам обоя в души содевает, изсушает мокроту и страстей нечистоту и еже от сих очищает , и тука подает разумной земли душевной, от негоже на-паяеми сади добродетели питаеми бывают и по малу возрастают. Чювственное солнце видимо бывает и невидимо. Разумное же солнце видимо бывает достойными, и всех зрит паче же зрящих его, чювственное солнце не глаголет, ниже глаголати кому дает, умное же солнце глаголет любовным своим, и глаголати и зрети всем дарует, понеже солнце правде есть бог, якоже писано есть. Всем просто сияя луча благодати своея и просвещает разумно верным сердца и очесом чювственым свет дарует. Сего ради глаголет: аз есмь свет миру, и яз свет в мир приидох, и без мене, рече, не можете творити ничтоже, и того благодатию всяка душа боголюбива, яко воск, умягчавается. И образы и знамении божествене разумнии приемлющи, и бывает бо-жие жилище духом. Сие праведное солнце - Христос, бог наш милосердый. Господь по неизреченным его судьбам, светлолуч-ными своими зарями осия, в сердцы благочестивого царя и великого князя Ивана Васильевича всеа русии самодержца во еже мудрствовати и творити благая, всяко бо даяние благо, и всяк дар, свершен свыше, есть сходяй от отца светом и прочая. Доблий же он миротворец, державный самодержец, прекроткий царь Иван мнозем разумом и мудростию венчан и в совершением благочестии царство содержа, осияваем благодатию божественного духа, зело воспалися утробою и с теплым желанием подвижеся, не токмо о устроении земском, но и о многоразличных церковных исправлении. И возвещает отцу своему преосвященному Макарию митрополиту всеа Русии, и собор божиих слуг совокупити повеле вскоре. Им же словом и делом последоваше и вся по чину бываше. Царский же повелительно, и егда убо сия слышъв, всеа руския земля архиереи радостию неизглаголанною объяти бывше, всяко тщание от сердец подвизаху и пребезмерное желание имеяху, иж таковаго царя благочестива насладитися зрения же и беседы. И яко небопарнии орли, лехка крыла имуща, скоро того достизаху, и егда убо еси купно сошедшеся и един царствующий град Москва всех восприемляше, и койждо их мир и благословение христолюбцу оному православному царю давше. И бе чудно зрение, яко весь богоспасаемый град красящеся отец пришествием, богу бо тех подвигшу на исправление церковное и на утвержение православные веры. Елма же цареви в царских седшу, молчанию глубоку устроившуся всем очи нань взирающе бяху. Благочестивый же царь великий княз Иван Васильевич всеа Русии самодержец зря окрест себе отческой лик и о пришествии их зело веселяшеся, и всякоя чести тех сподобляше, отцем же всем купно мирная гонящим и единомыслене о духовных збеседующе. Абие же благочестивый царь, встав с престола своего, и посреде святительского лика став светлым возрением и веселым лицем на всех возрев, сицевая собору изглагола: "Молю святейший отцы мои, аще обретох благодать пред вами, утвердите в мя любовь, яко в присного вам сына, и не обленитеся изрещи слово к благочестию единомыслено о православной нашей христианстей вере и о благостоянии святых божиих церквах, и нашем благочестивом царствии, и устроении всего православного хрестьянства. Зело бо желаю и срадуюся и согласую сослужебен с вами быти вере поборник, в славу святыя и животворящия и нераздельный Троица. Отца и Сына и святого Духа, в хвалу же и славу благочестивый нашия веры и церковных уставов. Тем же и всякому розгласию отныне далече быти повелеваем, всякому же согласию и единомыслию содержатся в нас". И сия изрек и множае сих.

ГЛАВА 3

И на том же соборе вдаст царь своея руки писание збого-духновенным наказанием и здушеполезным покаянием, зело полезно слышащим и внемлющим сия, имуща сице.

"Сие убо предлагаем писание вашей отеческой любви ради пречистыя истинныя нашея веры, еже во единосущную и неразделимую и живоначальную Т роицу, иже вседержителя бога и Отца благоволением и щедротами иже к нам, единородного и собезначальнаго Сына его Господа нашего Исуса Христа, и по-спешением и действом пресвятого и вседетельнаго и животворя-щаго Духа, и помощию православные християнские надежи и причистыя и преблагословенныя владычицы нашея Богородцы и приснодевы Марии, силою честного и животворящаго креста, заступленном святых божиих архангел Михаила и Гавриила, и прочих небесных сил безплотных, честного и славного пророка и предотечи крестителя Иванна, и святых славных и всехваль-ных апостол самовидец Сына и Слова, и святых великих мученик, иже любви ради и веры во Христа не пошадеша живота своего и страдальческими венцы увязошася, и святых святителей и преподобных: и святаго великого святителя пресловущаго в чюдотворцех Николы, и святаго равна апостолом первого хре-стьяном царя Констянтина, и христолюбивый матери его Елены, и всех благочестивых царей и цариц, православных, иже о благочестии подвизавшихся, и святых великих чюдотворцов иже в нашей земли великия росии в чудотворениих просиявших - преосвященных митрополитов Петра и Олексея и Ионы, и Аеонтия епископа ростовского чюдотворца, и святаго и равна апостолом царя и великого князя Владимера просветившаго всю землю рускую святым крещением, и бабы его предотечи руския к богу святыя блаженныя и великия княгини О лги, и сынов его святых страстотерпец боголюбивых князей руских обою брату по плоти Бориса и Глеба, и прочих от роду его православно поживших и богу угодивших и преподобных и богоно-сных отец наших: Антония и Феодосия печорских, и Сергия великого, и Варлаама новгороцкого, и Кирила белозерскаго, и Никиты переславского, и Пафнотия воровского, и Дмитрея прилуцкого и всех мученик и преподобных и уродивых Христа ради и всякого чину царска и княжеска и болярска, и всех православных хрестьян, иже добрыми делы просиявших и от бога прославленных великими чюдесы в богом дарованной нам державе от прародителей наших росийского царствия великих новых чюдотворцов и всех святых иже от века богу угодивших. И на тех святыя молитвы уповая, предлагаем совет вашей отеческой любви, еже поутвердити древняго предания хрестьянския истинныя нашея веры, еже от самого создателя нашего предание, а не от слуги ни от посланного. Сам бо предаде божественным своим учеником и апостолом, они же убо предаша иже по них, даже и доныне слово спасительное Господа Исуса Христа дойде. Тем же молим вы и засвидетельствуем Господом нашим Исусом Христом и божественными его ученики и апостолы, и святыми вселенскими седмью соборы и святыми поместными соборы, и всеми святыми прежереченными, бога ради потру-жайтеся, во еже исправити истинная и непорочная наша хрестъянская вера, иже от божественного писания во исправление церковному благочинию и царскому благозаконию и всякому земскому строению, и нашим единородным и бзсмертным душам на просвящение и на оживление, и на утвержение истинныя православный хрестьянския веры, дабы утвержена была и непоколебима в роды и роды и на веки, и не врежена от душегубительных волк и от всяких козней вражиих. И вы господие и святии святителие, преосвященнейшии отец мой Макарий митрополит всеа Русии, и все архиепископы и епископы, и преподобные архимариты и честные игумены, и весь священный собор и иноци, и прочим еси божий молебницы, такоже и братия моя еси любимии мои князи и боляре, и воини, и все православное хрестьянство, помогайте ми и пособствуйте еси единодушно вкупе и с плачем припадем к человеколюбцу богу, да отверзет нам умные очи наша, и узрим пред собою вся грехи наша, еже содеяхом зле и во вся дни живота нашего, и молитв ради пречистыя Богородица и всех святых долготерпяй о нас господь бог да обратит ны на истинный путь святых его заповедей, от них же заблудихом душевне и телесно. И еже согрешихом пред богом и человеки всяким законопреступлением, еже немощно писанием исписати и человеческим языком изглагола-ти содеянная нами вся злая согрешения и законопреступления грехом юности моея и неведения моего. Ныне же сих всех злых дел возненавидевше, добрая и богоугодная дела возлюбим, да не постражем подобным с прогневавшими и непокаявшимися, якоже христово слово в евангелии, пришедше бо поведаша ему о галилеех. Их же кровь Пилат смесив с жертвами их, рече же им Исус; мните ли яко сии галилеяне грешнейши суть паче всех в роде сем. Ни глаголю вам аще не покаетеся еси такоже погибнете, воспомянем убо от начала миру, како не пощаде бог сатаны за едину гордость, и всех аггел иже суть в чину его, но пленицами мрака связа и с небеси сверже, и в бесы претвориша-ся. За един грех Адам и Евва не покаявшася из рая извержени быша, и за единого человека преступление еси праведницы во ад снидоша, донележе изведе я господь за блуды неудержания плоти и за преступление еже не совокуплятися сынол (божиим со дщерми человеческими, не пощади бог всея вселен-ныя потопом вся потреби, токмо праведного Ноя самого осма соблюде; за мужеложство и за любодеяние Содома и Гомора огнем сожже, токмо единого праведного Лота со двема дщерьми обидима избави от нечистот. И что прочее о сем много глаголати или писати. Ведаете и видите вся писания в ветхом законе и в новой благодати. Такоже и в нынешния времена за вся-кия различныя грехи всякими различными казньми многие грады разоришася, и людие без вести быша, и великия царствия запустеша. Овы за гордость, а иные за б ратоненавидение и за насилие к своим. Многия же погибоша и за идолопоклонение, наипаче же горше всего зла за любодеяние и прелюбодеяние и за содомский блуд и за всякую нечистоту, многие царства изчезоша и без вести быша еще же и за срамословие и клятвопреступление, и за безмерное объядение и пьянство напрасною смертию изчезоша. Мы же убо всех сих убоявшеся и ум свой со-бравше, очистивше чювствия душ и телес наших, порастворим вся сия мимоидушая и настоящая вся, еже пред нашима очима бывшая вся и бывающая разсмотрим не вся ли та в нас суть злодеяние еже глаголахом. Речет же ми кто, яко идолопоклонения нестъ в нас, - ино сребролюбие не второе ли идолослужение, или блудная и скверная деяния сим же подобная? Како поработихомся сребру или сласти плотстей, сами весте паче нас. Аще же речет ми кто, яко не вем таковаго беззакония дерзаю рещи по пророку глаголющему яко аспид глухий иже не слышит гласа обавающих, о чем же бо преже поскорбим о толиких беззакониях, и о чем восплачемся, како нам бога милостива сотворити о сем видим еси, каковы различныя казни и милостивое наказание на нас посла господь, обращая нас от заблуждения, яко чадолюбивый отец. Мы же никакоже о сем не воспомянухомся. Смирил нас бог: отнял у меня отца, а у вас пастыря и заступника. Еще же сия скоръбь не мину, начаша ся множити великия бедныя скорби. Боляре и вельможи, вернии и любимии отцам моим, совет не благ совещаша ми вменяюще, яко мне доброхотствуют, на паче же себе самовластие улучающе. Яко помрачени умом, дерзнули поимати и скончати братию отца моего. И егда хощу воспо-хянутии нужную их смерть и немилостивое мучение, весь слезами разливаюся и в покаяние прихожу и прощения у них прошу за юность и неведание. И по скончании дядь моих не по мнозе времени и мати моя преставилася. И оттоле горкая скорбь постиже нас: мне сиротствующу, а царству вдовствующу. И тако боляре наши улучиша себе время сами владеша всем царством самовластно, никому же возбраняющу им от всякого неудобного начинания, и моим грехом и сиротством и юностию мнози межиусобною бедою потреблены быша зле. Аз же возра-стох в небрежении и в ненаказании отца своего и матери, якоже подобает наказати отцу чадолюбцу, и навыкох их злокозненныя обычаи, и тояжде мудрствовах якоже и оно. И от того времени и доднесь каких зол не сотворих пред богом, и каких казней не послал на нас бог приводя нас на покаяние: ово пленением и святым церквам разорение, и попрание всяким святыням, и многобезчисленное кровопролитие, и пожжение и истопление, и в плен расхищение всякого священнического и иноческаго чину, князей и боляр, и всякого хрестьянского рода, мужеска полу и женска, разсеяны по лицу всея земля и осквернены всякими нечистотами, и всякими страданми и муками томимы, и смертем предаемы. Мы же о сем многажды покуша-хомся месть сотворити врагом своим, и ничтоже успехом: ни разумехом сего, еже господь наказует нас сими, а не поганых поспешство над нами, и сими великими казньми в покаяние не внидохом, сами межъусобство зло сотворихом и бедным хрестъяном всякое насильство чынмхом. И милосердый господь за премногия грехи наша наказуя нас ово потопом, ово мором и различными болезнеными бедами, и никакоже не наказахомся. И посла Господь на ны тяжкия и великия пожары. Вся наша злая собрания потреби и прародительское благословение огнь пояде, паче же всего святыя божия Церкви и многия великия и неизреченныя святыни, и святыя мощи, и многое безчисленное народа людска. И от сего убо вни-де страх в душю мою и трепет в кости моя, и смирися дух мой и умилихся, и познах своя согрешения, и прибегох ко святей соборной и апостольстей церкви, и припадох к божию великому человеколюбию и к пречистой Богородицы, и ко всем святым, и ко твоему первосвятительству, и всем иже с тобою святителем, и умильно припадая со истинным покаянием прося прощения еже зле содеях и божия ради великия милости получих от вас мир и благословение и прощение о всем, еже содеях зле, тогда же убо яз ко всем своим князем и боляром по вашему благословению, а по их обещанию, на благотворение подах прощение в их к себе прегрешениях. И по вашему благому совету, богу по-могающу, нам начах вкупе устрояти и управляти богом врученное ми царство, елико бог поспещит. А у него милости и помощи прося, еще же молю вашу святыню и преподобие и о сем прострите прилежную молитву ко всесильному и милостивому богу, еже за многия грехи наша попустил на нас бог многую скудость всякому плоду земному, такоже и скотам и птицам и прочему изобилию и всякому стяжанию, и аще вашими отеческими молитвами умолен будет о нас бог, и милостива его себе сотворим, и очистимся от всяких грех душевных и телесных, и тако уповаем на милость его, да помилует нас и не презрит моления нашего, щедр бо есть и милостив и не оставит нас сирых, но послет благодать свою в помощь рабом своим, и просветит ум наш, и утвердит страх свой в нас, и укрепит ноги наша на путь мирен, и наставит на всякое дело благо, и гобину подаст всяческих плодов , и вся враги наша видимыя и неви-димыя вскоре да покорит под нозе наши. Вы же господие отцы наши, пастыри и учители, внидете в чювствы ваша, прося у бога помощи, истрезвите ум ваш, и просветитеся во всяких богодухновенных обычаех, якоже предаде вам господь ваше же от бога порученное вам стадо словесных овец всего православного християнства росийского царствия, наполнив себе духовныя пользы святаго писания, мене сына своего наказуйте и просвещайте на всяко благочестие, якоже лепо есть благочестивым царем бы-ти во всяких царских праведных законех и во всяком благоверии и чистоте, братию же нашу и всех князей, и боляр, и все православное хрестьянство неленостно и тщательно утвержайте и вразумляйте и просвещайте и наказуйте, да непорочно сохранят истинный хрестьянский закон, прежде lyбо вы сами пастырие и учитилие известити себе и утвердитеся и умножите от бога данный вам талант. Такоже и весь священический собор и иноческий чин, якоже предаша вам святии отцы седми святых соборов вселенских и поместных, праведный закон удержати и истинную православную веру хрестьянскую, да и ми видящи ваши добрая дела и духовная наказания и божественное писание от вас внимающе богу поспешествующу негли просветимся и обратимся на истинное покаяние вашим о нас духовным и желанным попечением, и да получим великую милость зде и в будущий век от Христа бога. Ныне молю вас о богособранный соборе, бога ради и пречистыя Богородица и всех святых ради потружайтеся о истенней и непорочней православной християнстей вере, и утвердите и изъясните якоже предаша нам святии отцы по божественным правилом, и не токмо глаголю вам потрудитеся, но и постражите за имя христово, якоже они божественнии мужие не токмо бо за имя того страдали но и за образ, якоже Стефан новый и Максим исповедник и феофилакт никомидейский и ини мнози, якоже сами паче нас весте и помянити како обещаетеся на святом соборе, якоже аще что ми велят сотворити не по правилом святых отец князи и бо-ляре, лще и сами владующеи, аще ли и смертию воспретят, никакоже ми их не послушати, видите убо яко и смерти обещваются епископи предатися за веру христову. Коль же паче вам кроме труда и поношения от безумных человек ино ни-чтоже, якоже об них божественный во апостолех Павел вопиет, глаголя во еже к Тимофею послания его: "Чадо Тимофее, ведый, буди яко в последняя дни настанут времена люта, будут бо человецы самолюбцы, сребролюбцы и небоголюбцы, предатели продерзливы, возносливи сластолюбцы, паче нежели боголюбцы. И сих отвращайся, якоже Анний и Амврий противистася Моисею, тако и сии противятся истине. Безумие бо их яве будет всем, якоже и онех быстъ, и сих ли убо безумия убоимся ни убо, но аще бы и мучители были и о сем, ино бы пострадати до крови и до смерти ради веры христовы". Вы еже о богособранный соборе потружайтеся веры ради христовы, во еже исправити и изъяснити по правилом святых отец - на сие бо и собрах вас. Аз же о боголюбивый соборе отцы святии за веру хрестьянскую и за истинный православный закон, якоже предаде нам церкви божия, вкупе единодушно всегда есми с вами ис-правляти и утвержати, якоже наставит нас Дух святый. Аще по вражию навету некоторое поползновение будет чрез божественная правила вашим нерадением во всяких наших хрестьянских законех без обличения, сему убо есмь аз непричастен. Вы о сем дадите ответ в день страшного суда. Аще ли аз буду вам супротивен кроме божественных правил вашему согласию, вы о сем не умолкните, аще преслушник буду, воспретите ми без всякого страха, да жива будет душа моя и все подлежащимм нам, яко да непорочен будет истинный православный хрестьянский закон и славится в нем пресвятое имя Отца и Сына и святаго Духа всегда и ныне и присно и во веки веком, аминь".

И сим на сборое прочтенным бывшим архиереем же первенствующим преосвященный Макарий митрополит всея Русии со всем священным собором, со архиепископы и епископы и со честнейшими архимандриты и игумены, зело о сем удивишася и о благочестии слово изнесоша, и вседержителю богу хвалу воздаша. И бе чюдно видение и всякого ужаса исполнено толико царское величество церкви божий с душевным желанием совокупляется. И кто от толикия радости зельныя не испусти слез, видя царскую душу совокуплъшуся с церковным устроением.

Потом царь вдаст на соборе иная писания о новых чюдотворцех и о многих и различных церковных чинех и вопросех имуще сице.

ГЛАВА 4

"В седьмоенадесять лето возраста его по вашему святительскому соборному благословению и прощению и ваших ради святых молитв божиим строением осия благодать святаго Духа и коснуся разуму моему. Взыде на память мне и вожделе и возревнова душа моя, великое и неистощимое богатство от многих времен при прародителем наших сокровено и забвению предано. Великие светильники новые чудотворцы многими и неизреченными чудесы прославляеми богом, и егда наказание праведного гнева бывает нам за грехи наша, и мы тех святых новых чюдотворцев на помощь призываем, и творима нам от них всячески в земных потребах наказания бо-жия на милосердие претворяемо их молением, и многими всякими различными недуги и исцеление получаху вскоре верою просящий у них. Мы же о сем молим святители всего нашего росийскаго царствия в митрополии о архиепискупъях и епискупъях коиждо во всяких пределах порученых им во градех и в монастырях и в пустынях и во всех известно пытати и обыскивати о великих новых чудотворцех священными соборы и игумены, и священноиноки, и иноки, и пустынники, и князми, и боляры, и богобоязнивыми людми, где которые чудотворцы прославилися великими чудесы и знамении от коли-ких времен и в каковы лета, святителие же убо от радости ду-ховныя от вожделения сердечного и от начинания и повеления нашего моления вскоре собирают каноны и жития и чудеса тех великих святых новых чудотворцев, которыйждо святитель от своих предел по свидетельству тамо сущих жителей от священническаго и иноческаго чину и от боярска и от княжска роду и всех богобоязнивых мужей и жен, где которой святой прославился и просиял добрыми делы и чюдесы. И в 19 лето возраста моего по нашему наказу архиепископы и епископы и честныя архимариты и игумены собираются в царствующей сей град к нам ко отцу нашему Макарию митрополиту всеа Русии, каноны новых чудотворцев и жития их и чю-деса на соборе полагают и свидетельствуют всеми освященными соборы и предают церквам божиим пети и славити и празновати якоже прочим святым от века богу угодивщим по настоящему коегождо месеца дни и числа преставления их и святые имена и обретения честных мощей их. Им же поют и до сего дни. Мы же убо празнуем и ликоствуем и прославляем по уставу якоже предаша нам, многие же убо новопрославлении чюдотворцы по преставлении своем и доныне от далних прежних времян обретошася лежат целы и невредимы мало тлению причастиша-ся и чюдеса различная творят, велия верою просящим у них. И тех великих новых чудотворцев молитвами нача-хом правити царство свое елико довлеют нам по благодати божий. В 21 лето от родства и во 18 лето царства моего по повелению нашему архиепископы и епископы, архимариты и игумены, и пустынники, и духовныя старцы и протопопы, и попы и со всеми освященными соборы всего нашего росийского царствия в царствующем граде Москве сообрашася и во святей соборней апостольской церкви пречистые Богородицы соборные молебны пев и вкупе моление совершив, в дому порученому мне от бога прародителей наших и нашего строения в царских палатах сшедшися вкупе и начахом о бозе творити дело сице".