Trisagio Quen Carcararag
[Transcriber's note: Tilde g in old Ilocano which is no longer used is marked as ~g.]
[Pakaammo: Tey 'tilde g' nga nausar iti nagkauna nga ilokano ket na-i-ulog a kas ~g.]
TRISAGIO
QUEN
CARCARARAG
(EN ILOCANO)
POR
D. JUSTO CLAUDIO FOJAS PRESBITERO
CON LICENCIAS
MALABÓN
Tipo-Litog. Del Asilo De Huérfanos de Ntra. Sra. de Consolación
=1897=
[Ladawan: Ti Santisima Trinidad]
PANAGLUALO ITI TRISAGIO TI SANTÍSIMA TRINIDAD.
Iti nagan ti Ama, Anac quen Espíritu Santo. Amén.
V.--Luctam, Apo, daguitoy bibig co.
R.--Quet iparan~garang toy n~gioat co ti pacaidayaoam.
V.--Badan~gan nac coma, Apo.
R.--Darasen nac coma n~ga tulon~gan.
V.--Daydayaoen ti Ama, Anac quen Espíritu Santo.
R.--Agnanayon.... Alleluya.
Umona n~ga paset.
Santo Dios, Santo á napigsa, Santo á di matay, caasianna cami.
Amami etc....
Maminsiam á cona toy:
V.--Daydayaoenda ca agyamancam Quenca n~ga agnanayon, ¡oh Santísima Trinidad!
R.--Santo, Santo, Santo, Dios quen Apo daguiti bileg, sipupunno ti amin á dagá iti pacaidayaoam.
Inton malpas ti maminsiam á casta, conanto:
V.--Gloria iti Ama, Gloria iti Anac, Gloria iti Espiritu Santo.
R.--Agnanayon aoan ingga na.
Maicadua quen maicatlo n~ga paset.
Santo Dios, Santo á napigsa ...
Cas met la iti umona n~ga paset, sa isarunonto daytoy.
ANTIFONA
¡Oh Dios Ama, n~ga aoan nagtaudam! ¡Oh Dios Anac á bugbugtong! ¡Oh Dios Espíritu Santo, á manglio-lioa! iti amin á puso quen n~gioat mi ipaduyacyac quen daydayaoenmi ti Santa quen di agsisina n~ga Trinidad: daydayaoenda ca n~ga agnanayon.
V.--Cablaaoantay iti Ama, Anac quen Espíritu Santo,
R.--Daydayaoen quen irimbaotay ida n~ga agnanayon.
Cumararag tayo.
¡Oh Mannacabalinamin quen agnanayon á Dios! n~ga impalubosmo cadaguiti adipen mo ti panan~gammo iti dayag ti agnanayon á Trinidad, maipoon iti panan~giparan~garang iti pudno n~ga Pammati: daoatenmi n~ga, iti bileg daytoy, cancanayon cam á maiadayó coma cadaguiti amin á paguel. Gapo quen Apo mi á Jesucristo.
V.--Sapay coma ta casta.
¡Oh napateg á Santísima Trinidad! ispalen, igaga quen paquirdennacam coma.
HIMNO.
¡Oh Trinidad Santísima! no agbannaoag iti agsapa, sangcatimpuyog ti Parsua n~ga agdaydayao agrucbab Quenca.
No matoonmi ti init á nabara daytoy manen ipalaguipna ti panan~gitan~gad mi iti matá tapno incam agdaydayao Quenca.
No lumnequen á cas aguinaná daguiti met bibbituen quen planeta aoisenda cam amin á rumegta n~ga agdaydayao la, Apo, Quenca.
Daguiti pay nadumaduma, todo, sipn~get, an~gin á napigsa isoda amin cadacami conconada: daydayaoen iti Trinidad Santísima.
Daydayaoen n~ga agnanayon iti Ama, Anac quen Espíritu Santo.
GOZOS ITI SANTÍSIMA TRINIDAD.
Oh maymaysa la n~ga Dios Apo, á tal-lo á Personas cayo. Ángeles quen Serafines canada: Santo, Santo, Santo.
Ita dayag n~ga aoan ingga na quen quinatal-loyo á Persona umararaocami n~ga siinanama tapno basol mi ti mapacaoan coma: dayta n~ga caasi ioarnacco cadaguitoy daydayaoen á saó. Angeles quen Serafines ...
¡Oh Trinidad á daydayaoen! á pagubbogan ti isoamin, á mangted cadacam iti nalaing ipaaymo cad ala ta caasim: gupdem coma ita dungn~go daguitoy rigat mi n~ga adó. Angeles quen Serafines ...
Toy Trisagio n~ga insurat ni naregta n~ga Isaias nan~gegna á pinagramrambac daguiti nailan~gitan á Gerarqutas, tapno aramidentay met á tattao á pangdaydayaotay iti Dios Apo. Angeles quen Serafines ...
Naisungsong sadi Gloria daytoy nasamit á canta, patguen met unay ti Iglesia ta ti infierno passiaenna: itoy á panangdayao mainumo á buyogantay met iti puso. Angeles quen Serafines ...
Iti pettat á patay quen sal-it maigaga laeng, maililic ti aglualo nga sipapasnec itoy Trisagio á napateg: iso ti nabileg á calasag tayo cadaguiti paguel á nacaro. Angeles quen Serafines ...
Toy Trisagio cas bul-lalayao, pacdaar ti talna n~ga nasinao ditoy manglioenglioeng á taáo daguiti peggad á nacaalaliao: amin cadaguitoy ilisina tayto ti naila~ngitan á dungn~go. Angeles quen Serafines ...
Dagós á panaoan ti sairo iti aglualo itoy Trisagio ta calasag á naiparungbo n~ga inted ti Dios cadatayo: iso met ti pamarucma tayo cadaguiti ranggas á man~giculbo. Angeles quen Serafines ...
¡Oh Dios á napigsa quen di matay! Apo, agtalecac ita pannaranay n~ga ita dennam á sidadarisay agcancantaacto á di agsarday igaganac met coma á iadayó cadaguiti paguel á dumocó. Angeles quen Serafines conada: Santo, Santo, Santo.
Daydayaoen n~ga agnanayon iti Ama, Anac quen Dios Espíritu Santo.
PANAGCAMMATALEC ITI NA DIOSAN Á PUSO NI JESÚS, Á AGBUGBUGSOT.--PAN~GIDAODAOAT CADAGUITI NARUAY Á MATAY ITI INALDAO.
Umona n~ga panguep toy á Devoción: Pagdaydayao iti napateg unay á Puso ni Jesús, á nágsagaba cadaguiti tooc á nasaem gapo cadatayo, bayat ti caadda na n~ga sibibiag idi ditoy dagá, n~gem nangrona idi minuyon~gan á huerto de olivas quen idi met cruz á nacailansaan na.
Maicadua: Gapo cadaguiti caicarian daydi napaot á panagbugsot ni Apo tay á Jesucristo, pangragpat iti caasi ti Dios tapno naimbag ti ipapatay daguiti oaló polo ribo n~gata n~ga agbugsot quen matay iti inaldao.
CARARAG ITI PUSO NI JESÚS N~GA AGBUGBUGSOT QUEN PAN~GIDAODAOAT CADAGUITI NÁRUAY Á TAO Á MATAY ITI INALDAO.
¡Oh Manangn~gaasi unay á Jesús, á sumgued ta ayat mo cadaguiti cararua! daoatec Quenca n~ga, maipoon idi panagbugsot ta napateg unay á Pusom quen daguiti met ladladin~git ni nadalos unay á Inam, dalosam coma, Apo, ita Daram amin á managbasol ditoy dagá n~ga agbugbugsot quen matay met itoy n~ga aldao. Amén.
Oh Puso ni Jesús n~ga agbugbugsot, caasiam cad, Apo, daguiti agn~goyn~goy-á.
Sangagasot n~ga aldao á Indulgencia ti lacámen, tungal lualoen toy á Cararag, quen Indulgencia Plenaria iti binulan, no agconfesar quen agcomulgar ti tao, guen mamitlo n~ga lualoen toy iti inaldao quen sabali-sabali n~ga horas ti pananglualo.
Mabalin á ipaay daguitoy á Indulgencias cadaguiti cararua sadi Purgatorio.
(Pio IX.-decreto-2 de Febrero 1850.)
PANAN~GARAMID.
Daytoy ababá n~ga Cararag lualoen iti mamit-lo iti inaldao, oenno uray maminsan iti bigat casta met iti malem quet inayon daguitoy á pan~gaoag:
¡Oh naasi n~ga puso ni Apo mi á Santa María, icacaasina cam cadi!
¡Oh San José, catalec iti naimbag á ipapatay, icacaasina cam cadi!
¡Oh San Miguel Arcángel, icacaasina cam cadi!
¡Oh Angeles, á casigod mi quen sa Santos, á catalec co, icacaasida cam cadi!
¡Oh Angeles, á nangliolioa quen Jesucristo idi panagbugsot na icacaasida cam cadi!
Daguiti di macaammo á agbasa, mabalinda ti aglualo, iti inaldao, maipanguep itoy, iti maysa n~ga Amami ... quen Ave--María ...
PANUNOTEN DAGUITOY Á PUDNO:
Inaldao á matay ti oaló poló, agsiam á polo ribo n~ga tattao ...! Tunggal bulan tal-lo lacsa ...! Tunggal taoen tal-lo polo quet innem á lacsa.......¡Ay! iti daytoy macapaquigtot á bilang, mano n~gata daguiti adda n~ga sibasol iti nadagsen!!!
Ditoy lubong matay ti oalo polo ribo n~ga tattao itoy n~ga oldao! quet mangruguidan iti agnanayon á namáy, oenno aoan pada quen ingga na n~ga quinadacsanggasat.....!
Dinto mabayag á mauray ti batáng mo!......Panunotem á naimbag, quet, icacaasim ida tapno icacaasida canto met no agbugsotca.
Icacaasim daguiti agbugbugsot ta cacabsat mo ida quen Jesucristo, nalabit á dadduma cadaguita pagayam, cabaguiam oenno nacautan~gam iti naimbag á naquem. Tapno mailisida iti infierno, n~ga tooc n~ga aoan pada quen ingga na, isona la n~ga masapolda ti naimbag á panagconfesar oenno naisnec unay á panagbabaoi. (Acto de "verdadera contrición").
PANAGBABAOI CADAGUITI BASBASOL, CAS INSURAT NI SAN FRANCISCO JAVIER.
Dios co, saan á ti incarin á gloria n~ga natalin~genn~gen ti macatignay itoy naquem tapno in Ca coma ayaten:
Saan met á ti buteng co iti nacaalalinguec á Infierno ti manggutggot itoy puso tapno babaoiec daguiti basbasol co:
N~gem ti pudno á pacatingnayac n~ga agcudi, Dios co, ita Dayag, saan á sabali dayta la Ayát, á gapo quencuana naparsuaac.
Aggasugas, Apo, toy pusoc n~ga agayat Quenca sidadalos ta buybuyaen Ca n~ga sibibissayot ita nacababain quen natooc á Cruz.
Oen, Dios co, ayayaten Ca uray aoán ania la coma n~ga incarim á pan~gun~guna quen pangdusam á nacadidigra.
Oen ayayaten Ca unay, Dios co, iti narayray quen pudno, n~gem daoatec met á ipaaymo ta nabileg á pannaranay mo.
CARARAG QUEN APO DIOS NO MABIGATAN DA TAO.
Oh Dios co, agyamanac cadaguiti parabor mo caniac, nangrona unay naten~gac daytoy baro manen á bigat.
Quenca idatonco amin aramid, saoc, paquinaquem: isicatco á diacto agbasolen no tulon~gan nac ta caasim.
PAGDAYDAYAO QUEN APO SANTA MARÍA.
Oh Princesa, n~ga natanóc Virgen n~ga inguet dalós, daydayaoenmi ta silnog ta iti dayta n~ga quinalibnos maragsacan pay ti Dios.
Toy biag, cararua quelf pusoc Quenca idatonco ida á situtuloc, quet igaganac coma iti rungsot daguiti sairo n~ga man~gituggod, ta nalaos da n~ga nagdangcoc.
Iti Angel á Casigod.
Oh Angel ti Dios, á napusgan á man~gisuro caniac, man~gayoan panagcudic quenca toy ulitan; di nac cama ituloc á mailaoán iti ania man á pacadacsan.
No pumanao tao iti balay.
Oh Dios co, iturong nac coma ita saclang mo á nan~gina; di coma umaddang daguitoy saca no di iti panagtungpal da Quenca.
No sumrec tao iti Simbaan.
Pagrucbaban ca, ¡oh Apoc á Jesusristo! ditoy quen iti isoamin á simbaan ditoy dagá, quet daydayaoenna Ca toy cararuac, ta gapo iti Santa n~ga Cruz, sinubbotmo toy lubong.
CARARAG NO MANGRUGUI TI SANTA N~GA MISA.
¡Oh Dios n~ga Agnanayon quen Managayat! sipapacuran~gac quen sidadalos toy pusoc á man~gidaton Quenca itoy Santa n~ga Misa, á pagyaman co cadaguiti parabor á impaaymo á sicacaasi cadacam á parsuam, pagsupapac cadaguiti basbasol quen pangtulong co met cadaguiti cararua sadi Purgatorio. Pan~gidaoat co met, Apo, iti panagtalinaed coma n~ga agnanayon daguiti nasingpet iti nadalos á dalan á surotenda, quen tapno agbabaoicam coma n~ga managbasol; idianmi coman ti nadangques á panagbiag, mataycamto coma n~ga siga-gracia, quet maicaricamto met coma n~ga dumanon ita aoan ingga na n~ga Gloria á yan mo. Amén.
Lualoen ti santo Rosario oenno pampanunoten daguiti tooc á sinagaba ni Apo tay á Jesucristo á nanubbot cadatayo. Mabalin met á daguiti ladladin~git ni apo tay á Santa Maria ti pampanunoten.
CARARAG NO ITAYAG TI SACERDOTE ITI SAGRADA HOSTIA.
¡Oh na Diosan á Bagui ni Apo mi á Jesucristo! sipapacuran~gac á mang daydayao Queca, á maidaton tapno dacam á tattao mabalinmi ti maisalacam no babaoienmi daguiti basbasol mi, ta maipoon cadaguitoy, caicarianmi la ti madusa, n~gem yata quinayatmo ti nagtotóoc gapo cadacami, sandianna cam coma, Apo, n~ga agdaoat iti caasi cadacam ti Dios Ama n~ga Agnanayon.
CARARAG NO MAITÁYAG TI CÁDIZ
¡Oh napateg unay á Dára ni Apo mi á Jesucristo! nagparucpoc idi adda iti Cruz á silalansa ti Naayat unay á nagtotooc gapo caniac, ipaaymo cadi á madalosan toy nacacaasi n~ga cararuac tapno mairanodacto met iti nasamit á Gloria n~ga agnanayon.
Itoloy met la ti lualo oenno Pampauunot ...
Inton rumuar tao iti simbaan lualoen met toy sumaruno á
CARARAG
Dica ipalubos, Apo á caano man umadayóac Quenca: tacunaynayem la coma daguiti aramidec tapno maipaay da amin á pagdaydayao co Quenca quen pagtungpal co ita napateg unay á Naquem mo, Apo, ta, nupay no pamanaoac ditoy, saan á sumina Quenca toy cararuac.
CARARAG QUEN GLORIOSO SAN MIGUEL ARCANGEL.
¡Oh glorioso San Miguel! ilisina cam cad iti paguel á in cadacam pan~gidaguel ti Cabusor á inguet daoel yata ti Dios inna ca tinuding á saluad mi á tumacling.
Narimbao ca sadi lan~git á palun~go daguiti Angeles sica met daydi namatalgued iti Pammati á napateg: pinacmermo n~ga siin~gel daguidi nacuspag n~ga agmamael.
Ilisina cam cad iti paguel, natanóc n~ga apo San Miguel.
Ni Lucifer á man~gituggod cadaguiti asino man á cristianos aoan ti mabalin na á pulos ita bileg mo, apo, á nalaos, anansata incam dumeldel ita naasi á panan~giaguél.
Ilisina cam cad iti paguel....
Ti Dios impatona ca met á saluad manariquedqued iti Iglesia, tapno maparmec daguiti nainfiernoan á daques: dayta napigsa n~ga mabael ibunannagmi á pagpanacquel.
Ilisina cam cad iti paguel ...
Inton aldao á pannacaocom inda canto coma ibun~gabong á mangted cadacam iti tulong quen sacnib á naalin~ganong, iti casta dicamto la madadael cadaguiti cabusor á nadaoel.
Ilisina cam cad iti paguel ...
Inton paglalasinenyo ti tao á umaoat iti pananacaipato itinto coma canaoan ti Dios Apo ti itdem á pagsaadan minto: daguiti sairo n~ga umatibelbel didanto la coma bumael.
Ilisina cam cad iti paguel ...
Daguiti amin n~ga agsagaba iti tooc uray nadumaduma tulong mo cad ti maricnada no nasgued ti pammati da ita panan~gibabaet á dacquel tapno dida mairubo, maidaguel.
Ilisina cam cad iti paguel ...
Ita quen inton ipapatay mi, no umapay ti peggad mi dina cam cad la ical-laiqui ita napateg á panangn~gaasi: sica ti saranay á natibquer ta naitalugading ca á san~guir.
Ilisina cam cad iti paguel ...
Daguiti arari agdatonda quenca. ta aramid unay á naimna ti paaclon quen paigaga ita bileg á nagpaiduma, aoan la ti duadua, pacmerem ti sairo n~ga man~girurumen.
Ilisina cam cad iti paguel ...
Iti rabii man quen aldao daoatenmi n~ga siarárao ta caasim á di masáao, ¡oh San Miguel á madaydayao! yata ti Dios innaca intuding á saluad mi quen taclin
Ilisina cam cad iti paguel, natanóc n~ga apo San Miguel.
¡Oh Dios á manacabalin amin quen aoan tungpal mo! á maipoon ita aoan pada n~ga sirib mo, pinilim á príncipe ti Santa Iglesiam ni nagloriaan á San Miguel Arcángel, á talgued mi n~ga tattao: ipalubosmo coma, Apo, ti macapabileg á tulong na cadacami tapno maicari cam coma n~ga maicanaoa cadaguiti amin á cabusor mi quet mairanodcamto met coma ita nadayag á Gloria. Igapom quen Apo mi á Jesucristo á maquipagari Quenca n~ga agnanayon. Amén.
Maipon iti panan~gibabaet ni San Rafael Arcángel:
CARARAG
¡Oh Dios! á intedmo quen Tobías, n~ga adipen mo á cadua na iti dalan ni San Rafael Arcángel, ipaaymo cad met cadacam, Apo, n~ga ti aluad quen panan~gayoan na saranayenna cam met n~ga agnanayon quen lacámenminto á di agsarday coma ti nailan~gitan á tulong na, Gapo quen Apomi á Jesucristo á nanubbot cadacami. Amén.
ITI PANAN~GIBABAET NI SAN GABRIEL ARCÁNGEL.
¡Oh Dios quet Apo mi! á cadaguiti naruay á Angeles, pinilim ni Arcángel San Gabriel á nan~gipacada idi naidaclan á misterio ti itatáo ti Bugbugtong á Anac mo iti nadalos unay á tian ni Virgen María iti aramid ti Espíritu Santo: ipaaymo coma n~ga sicacaasi á dacam á mangdaydayao iti pannacarambac na ditoy dagá, lacamenminto coma sadi lan~git ti bun~ga daguiti pannaranay na cadacami. Sica n~ga ari quen sicacaysa iti Espíritu Santo n~ga agnanayon. Amén.
CARARAG A PAN~GICACAASI CADAGUITI CARARUA SADI PURGATORIO.
¡Oh casasamitan á Jesús! sirurucrucbabac cadaguita sacsacam n~ga agdaydayao quen pacacaasi Quenca ta, maipoon cadaguiti naruay á tooc á sinagabam idiay Calvario quen gapo met cadaguiti ladladin~git ni nasungdo unay á Inam, aonem coma, Apo, daguiti Cararua sadi Purgatorio cadaguiti tooc á sagabaenda, quet alaem coma idan, Apo, á lumacán iti ragsac quen aoan pada na n~ga guináoa dita Gloria. Sapay coma ta casta.
Pampanunoten daguiti nagpaiduma á tooc á sagabaen daguiti Cararua sadi Purgatorio, quet daoaten quen Apo tay á Jesucristo á silalansa ti cayat á ragpaten quen iti met pannacabangár daguiti Cararua.
Assaug oenno Arararao daguiti Cararua sadi Purgatorio.
¡Ay! cristianos, imden~ganyo daguitoy asasug mi cadacayo. Icacaasitay ala, cristiano, daguiti adda sadi Purgatorio.
¡Aman~gan saem á tooc ti sagabaen ditoy á lasód! sacsaca quen imima sipaparaot cadaguiti caoar inguet bantot: isnecyo cad ala ta caasi yo ta idaodaoatda cam iti Dios Apo. Icacaasitay ala, cristiano ...
Daguiti tooc dita n~ga biag adayó da unay á pumadpad iti naiduma ditoy á rigat quet cas dinto la ida malasat: guguranda cam iti napalalo n~ga cas la balitoc á pimpolo. Icacaasitay ala, cristiano ...
Maysa á rissic ti beggang iti apoy ditoy á man~guram no dita dagá umanay coman á mangrunao mamimpinsan, daytoy unay ti pacapnecanyo iti pudot ditoy á inguet caro. Icacaasitay ala, cristiano ...
Idi addaac pay dita dagá quinamauyong co ti naiduma ta diac laeng immaripapá iti pudot ditoy n~ga aoan pada: adayo idi á impagaropco á castoy quet daytoy á disso. Icacaasitay ala, cristiano....
Sumangcangrona n~ga tooc á cas la itay mamagpolcoc ti di pannacaquita iti libnos ti rupa ti Apo tayo á Dios: rigat unay daytoy á nacaro á cas met la iti infierno. Icacaasitay ala, cristiano ...
¡Oh ama, n~ga nagpútot itoy anac mo á pinatáod! ¿dica man aya magutogot á mangban~gár cadaguitoy tooc? ita unay ti pannacasapol co cadaguiti ayat quen dungn~go. Icacaasitay ala, cristiano ...
¡Oh ina! n~ga nanapsappuyot itoy bun~gam sipod idi sicog, ipaaymo coma ala ita n~garod daydi ayat mo á nasilnog: ina, urayec ita sungdo ti tulong mo itoy rigat co. Icacaasitay ala, cristiano ...
Sicá met n~ga inanac, á iti dungn~go naguibosac itan ta adda ac itoy rigat ¿inca n~gata caniacon malipat? no bayan nac, sica ti pudno á caulpitan daguiti tattao, Icacaasitay ala, cristiano ...
Anac co, laglaguipem comá daydi nasalucag á regtá á panan~gayayoan co quenca sipod pay idi maladaga ca: ¿lipat quen panáguindidiammo ti pagsupapac mo aya, anac co? Icacaasitay ala, cristiano ...
No taguilipat ti aramidem quet bayan nac á sireremrem itoy tooc á nadaguinsen mariroca unay quet patiem ta nasquen n~ga annong mo á icacaasina cam á dacquel mo. Icacaasitay ala, cristianos ...
Dacay met á nasalucag á dumidinna idi caniac diyo n~gata maal-lin~gag ¿daguitoy asasog á naoadoad? ¡ay! ala coma cadi itdenyo ti dacquel á itulongyo. Icacaasitay ala, cristianos ...
¡Oh nadn~gó á pagayam! in ca met unay aoagan ta daydi ayat á capatgan dica pay met la coma bayán: iti rigat iso ti napaypayso a pacapnecan ayat á pudno. Icacaasitay ala, cristiano ...
Panangpacaoan iti ranggas, misa quen aramid á naimbag nabileg da amin á man~goasoas cadaguitoy caoar á nangpatapat, anansata coma ala ida ipaayyo tapno mabaoásan tooc mi á nacaro. Icacaasitay ala, cristiano ...
Ni San Miguel á principe ipatalguedna unay cadacami n~ga guináoa ti lacámenmi cas maitimbeng iti caasi daguiti naayat á tattao á puspuso da ti nasungdo. Icacaasitay ala, cristiano ...
Iti magnipaay tulong na cadaguitoy rigat á masagaba agsubsubalitcamto quencuana sibibiag pay quen inton patay na: pannacaocom nanto ti di nacaro ta idadaoatminto iti Dios Apo. Icacaasitay ala, cristiano ...
Yata ammoyo amin unay n~ga aoan asinonto á macagaoay iti di malisian á bileg ni patay, asi ta puso yo cad ti matignay: no addanto pacaban~gáran yo, di duaduaen, yamanenyonto. Icacaasitay ala, cristiano
¡Ay! cristianos, imden~ganyo daguitoy arararao mi cadacayo. Icacaasitay ala, cristianos cadaguiti adda sadi Purgatorio.
Requiescant in pace. Amen
CARARAG ITI SAGRADA FAMILIA.
¡Oh Jesús, naayat unay á nan~gisalacan cadacami! n~ga idinto ta bimmabáca sadi lan~git á umay mánglaoag itoy lubong iti panan~gisurom quen panagpatulad mo, quinayatmo ti adadda n~ga nagtaéng iti panagbiag mo idi nanumo n~ga balay sadi Nazaret, situtulnog quen siannugot cada María Santísima quen San José, quet casta unay ti panangpadaeg mo iti daydi á balay tapno isó ti pagolidanan amin daguiti cristianos: aoatem coma á sicacaasi toy guimong mi á maidaton amin ita Quenca. Saluadem, saranayem coma, Apo, quet pasingquedam met coma quencuana ti nasantoan á panagbuteng Quenca casta met ti talna quen timpuyog ti nadalos á panagayanayat daguiti cristianos tapno agbalin á umasping iti na Diosan á olidan á iso ti Guimong yo; quet dacam amin maragpatmi met coma ti agnanayon á gasat.
¡Oh naayat unay á María, Ina ni Jesucristo quen Ina mi met! maipoon ita ayat quen caasim, aramidem coma n~ga ni Jesús ipaayna n~ga aoaten toy panagdaton mi quet iannugot na met coma daguiti parabor quen pammagasat na.
¡Oh José! nasantoan á saluad idi da Jesús quen María ita nabileg á panan~gibabaet mo tulon~ganna cam coma, apo, cadaguiti amin á pacaducotan daguiti cararua quen baguí mí, tapno iti pannacaibuyog mi cadacay quen María Santísima, iso á pan~gilabasam coma cadaguiti ununnoy mi á idatagmo quen Jesús, mabalinminto ti agnanayon unay agdaydayao quen agyaman dita Gloria. Sapay coma ta casta.
Jesús, María quen José, silaoan, sa ranayen quen ispalenda cami. Amén.
CARARAG QUEN GLORIOSO SAN ROQUE.
Oh San Roque, á catalecmi, idaodaoatanna cam ala cadi iti Dios Apo á Manangn~gaasi yata inda ca amin pinili.
A taclinan pan~giasuganmi cadaguiti umapay á paguel mi quet incamto la, Apo, mailisi iti pagdacsan ti cararua quen bagui.
=¡¡Sapay coma!!=
[Napirmaan] Justo Claudio Fojas Presbitero.